კახი კალაძის მესამე ბიჭიც მილანში დაიბადა

საქართველოს ენერგეტიკის მინისტრის, ვიცეპრემიერ კახი კალაძის ოჯახში მატებაა. 9 იანვარს ის და მისი ცოლი ანუკი არეშიძე მესამე ბიჭის, ვაჩე კალაძის მშობლები გახდნენ.

როგორც "სარკისთვის" გახდა ცნობილი, ანუკიმ მილანში იმშობიარა. ახალშობილისთვის ეს ძველი ქართული სახელი სწორედ დედის არჩევანი იყო. პატარა 2 კილო და 900 გრამი, 52 სანტიმეტრი დაიბადა. დედა–შვილი თავს კარგად გრძნობენ. მათთან მილანში კახი კალაძეც იმყოფება. მან "ფეისბუქის" საკუთარ გვერდზე ახალშობილთან და უფროს ვაჟთან ერთად გადაღებული ფოტოც გამოაქვეყნა. თუ როდის დაბრუნდება გამრავლებული კალაძეების ოჯახი საქართველოში, ეს ჯერ მის უწყებაშიც არ იციან.

მათი პირველი ორი შვილიც, ლევანი და კახა, მილანში არიან დაბადებული. წყვილი ერთად 2008 წლიდან ცხოვრობს. ოფიციალურად გასული წლის მაისში იქორწინეს, ჯვრისწერის ლამაზი ცერემონიალი კი ჯერ წინ აქვთ.