ანი ტყებუჩავა, ლელა მებურიშვილი და მაკა ძაგანია: "სპეციალურად ვაწერინებთ სცენას, რომ დაქალები შევიკრიბოთ ხოლმე"
1 527 ნახვა
მსახიობები ანი ტყებუჩავა, ლელა მებურიშვილი და მაკა ძაგანია სერიალმა "ჩემი ცოლის დაქალები" ნამდვილ მეგობრებად აქცია. როცა ერთმანეთი ენატრებათ, სცენარისტებს სცენებს "უკვეთავენ", რომ ერთად ითამაშონ. ამ დროს საშუალება ეძლევათ, ერთმანეთის ამბები გამოიკითხონ. როგორც ჩვენმა მკითხველმა უკვე იცის, მაკა ერთი შვილის დედაა, ანი ფეხმძიმედაა, ლელა კი ახალგათხოვილია და ალბათ მალე მასაც ვიხილავთ სასიამოვნო მოლოდინში. ისინი აბსოლუტურად განსხვავებულ პერსონაჟებს თამაშობენ, თავიანთი გმირები დიდად არ მოსწონთ, მაგრამ მათი სახეების შექმნაში სულსა და გულს დებენ და თვლიან, რომ ამით სერიალს სიცოცხლეს უხანგრძლივებენ.
– მეოთხე სეზონია, ერთად გიწევთ მუშაობა. სერიალის მიღმა როგორ გრძელდება თქვენი ურთიერთობა?
ლელა: გადაღებები 24 საათის განმავლობაში გვაქვს და ამიტომ იმაზე ფიქრსაც კი ვეღარ ვასწრებთ, თუ რას ნიშნავს ეს სერიალი ჩვენთვის. თუ გადაღებები არაა, მაკა სხვა სამსახურშია, ანისაც ათასი საქმე აქვს, მეც მუდმივად დაკავებული ვარ. სამივე იმ რეჟიმში ვცხოვრობთ, რომ რაც შეიძლება მეტი რამის გაკეთება მოვასწროთ. ბოლოს იქამდე მივედით, რომ ერთმანეთსაც ვეღარ ვნახულობთ.
ცოტა ხნის წინ სპეციალურად დავაწერინეთ სცენა, სადაც სამივე ერთად ვიქნებოდით, თორემ გადაღებებიც კი ცალ–ცალკე გვაქვს და ზოგჯერ თვეები ისე გადის, რომ ერთმანეთს ვერ ვხვდებით.
– ამ სამი დაქალიდან ყველაზე მეტად რომელი მოგწონთ, რომელთან იმეგობრებდით რეალობაში?
ლელა: რეალურად ერთადერთი ნინაა, რომელიც შეიძლება მეგობრად მისაღები იყოს. მისი გმირი კატეგორიული არ არის, ნინას ყველაფერზე ნეიტრალური პოზიცია აქვს. შეიძლება არავინ თქვას, რა მაგარი გოგოა სამეგობროდო, მაგრამ მისნაირ მეგობარს ალბათ არც არავინ დაიწუნებს.
მე ცხოვრებაში ვერც კატოსთან ვიმეგობრებდი და ვერც – თინასთან. კატო ძალიან აქტიურია, ყველაფერს მოდებულია, უამრავ ცუდ სიტუაციაში ხვდება თავისი სისულელეების და სიშტერის გამო, თუმცა ზოგჯერ მასაც ეტყობა, რომ ტვინი უმუშავებს. თინას კი ბევრი საკითხის მიმართ იმდენად კატეგორიული დამოკიდებულება აქვს, რომ ძალიან რთულია როგორც მასთან კამათი, ისე საუბარი.
ანი: მე კი კატოსთან შედარებით თინას უფრო გავუგებდი.
მაკა: მეც ასე მგონია.
ანი: თინას უხეშობა არ მომწონს, არ მომწონს ის ფორმა, რა ფორმითაც პროტესტს გამოხატავს, თორემ ისე მის აზრებს ვეთანხმები.
მაკა: თინას დიპლომატია აკლია. არ შეუძლია, ადამიანს თავისი აზრი ისე მიაწოდოს, რომ უხეშობაში არ გადაუვიდეს.
– ლელა, თქვენს პერსონაჟზე მამაკაცები ამბობენ, რომ ცოლად მისნაირ ქალს არასოდეს შეირთავენ.
ლელა: ძალიან მიხარია, თუკი ასე გეუბნებიან. ვერ ვიტყვი, რომ კატო უარყოფითი პერსონაჟი და ცუდი ადამიანია, პირიქით. მას უამრავი კარგი თვისება აქვს და კატოს მიმართ ცუდად სულაც არ ვარ განწყობილი. მასზე ძალიან მეცინება და როცა სცენარს ვკითხულობ, მხიარული განწყობა მექმნება, იმდენად სასაცილო რაღაცეებს ამბობს და აკეთებს. თუმცა მისნაირ გოგოსთან ვერ ვიმეგობრებდი.
მაკა: ძალიან შტერი გოგოა.
ანი: კატო ის გოგოა, ვისიც სულ უნდა გეშინოდეს, რამე შტერობა არ ჩაიდინოს.
ლელა: ჩემი გმირი აბსოლუტურად განსხვავებულია ჩემგან. ყველა ის პერსონაჟი, რომელსაც ვთამაშობდი, რაღაცით მაინც მგავდა, მაგრამ კატო არც ერთი თვისებით არ მგავს.
ანი: მეც დაგამშვიდებ და გეტყვი, რომ მართლაც არაფრით ჰგავხარ კატოს. ყოველ შემთხვევაში, ცუდით მაინც არ ჰგავხარ.
ლელა: არც კარგი თვისებებით ვგავარ.
ანი: წიწიბურას გაკეთება მაინც ხომ იცი.
– ლელა, რეალურად როგორი კულინარი ხართ?
ლელა: წიწიბურას გაკეთებაც ვიცი და სხვა ბევრნაირი კერძისაც. სხვათა შორის, ძალიან კარგი დიასახლისი ვარ, ბევრი რაღაცის კეთება მეხერხება.
მაკა: როგორც წესი, ქალი ყველაზე უკეთ მაშინ სწავლობს საჭმელების კეთებას, როცა დედა ხდება. შეიძლება იქამდეც ამზადებდეს რაღაცეებს, მაგრამ შვილის წინაშე მეტად არის პასუხისმგებელი და ვალდებულია, სადილები გაუკეთოს.
ანი: სამწუხაროდ თუ საბედნიეროდ, მგონი, ჩემმა მშობლებმა პირველი გოგო იმიტომ გამაჩინეს, რომ მეორე შვილის გაზრდაში მივხმარებოდი. ჩემი ძმა ძალიან პატარა იყო, როდესაც მე უკვე საჭმელების კეთება დავიწყე. ინტერესიანი ბავშვი ვიყავი. დედა სადილს რომ ამზადებდა, ხელებში ვუვარდებოდი. მწვანილს რომ ჭრიდა, ერთი სული მქონდა, მე როდის დამაჭრევინებდა. მერე თამამად მიმიშვეს და ასე შევუდექი კულინარობას. კერძების მზადების პროცესი მომწონს, მაგრამ მაშინ ჩემთან ერთად არავინ უნდა იყოს. სამზარეულოში ტრიალი ჩემთვის განტვირთვის კარგი საშუალებაა.
– ანი, თქვენი ოჯახური ცხოვრება როგორ მიდის? ახლოვდება დრო, როცა დედა გახდებით...
ანი: ვერ ვიტყვი, რომ რამე განსაკუთრებული სიახლეა, თუ არ ჩავთვლით იმას, რომ ყოველდღიურად მუცელი მეზრდება. უკვე მეხუთე თვეში ვარ, ჯერ ზუსტად არ ვიცი, გოგოს ველოდები თუ ბიჭს. მეუბნებიან, სავარაუდოდ, გოგოაო, მაგრამ სქესი ზუსტად არ ჩანს. ამ ეტაპზე სახელებს ვარჩევთ. ფეხმძიმობის ბოლო ორ თვეში მამამისი წავა და საჭირო რაღაცეებს უყიდის. მე საამისო დრო არ მექნება.
– ამბობენ, რომ ეს სერიალის ბოლო სეზონია. თქვენ გაქვთ ამაზე რაიმე ინფორმაცია?
ანი: ყველა სეზონზე ამბობენ, რომ ეს ბოლოა, მაგრამ არ მგონია, ჩვენ დავიშალოთ. ჩვენს სერიალს ხალხი უყურებს და, ჩემი აზრით, ასე უცებ არ დასრულდება.
ლელა: ხალხს რეაქცია აქვს – რა სისულელეა, რა უნდა დამთავრდესო და ამიტომ ალბათ ყველაფრის გათვალისწინებით მოხდება გადაწყვეტილების მიღება.
– ფილმის გადაღებების დროს როგორ რეჟიმში მოგიწიათ მუშაობა?
ლელა: ფილმში ძალიან ბევრი სიახლეა, ბევრი ახალი პერსონაჟია, განსხვავებული სცენებია, ბევრი გადაღება პავილიონის გარეთ გვქონდა. კამერებით გარეთ რომ გვხედავენ, ეს ხალხში დიდ ინტერესს იწვევს. ვერ ვიტყვი, რომ რომელიმე გმირში დიდ სიახლეს იპოვის მაყურებელი, მაგრამ ყველაშია პატარ–პატარა სიახლე.
– დამღლელი გადაღებების შემდეგ რა გჭირდებათ დასვენებისთვის?
მაკა: სახლში ხალათში გახვევა და ლუდის მოწრუპვა. ღამის 12–დან 2 საათამდე ამით ვარ დაკავებული, მერე კი ვიძინებ. ლუდი მთენთავს და ბედნიერი ვიძინებ.
ანი: გადაღლილობის დროს ლუდი და ღვინო რელაქსაციის საუკეთესო საშუალებაა.
ლელა: მართალია, თორემ ღამეც კი გვესიზმრება, რომ გადაღებებზე ვართ. ყველაზე საშინელება ესაა.
ანი: მე მთელი ზაფხული მესიზმრებოდა, რომ გადაღებებზე ვიყავი. ჩემთვის განტვირთვის ყველაზე კარგი საშუალებაა სახლში მეგობრებთან ერთად ყოფნა. გვინდა, კომფორტულად ვისხდეთ სახლში, ვიდრე საზოგადოებრივი თავშეყრის ადგილებში ვიაროთ.
ლელა: დასვენებისა და განტვირთვისთვის იმდენად ცოტა დრო გვაქვს, რომ სადმე წასვლისთვის და რამის გაკეთების დრო არ რჩება. როცა ვთავისუფლდები, სახლში მივდივარ და დაახლოებით ნახევარ საათში უკვე ვიძინებ.
– ანი, თქვენი რეჟისორი ქმარი როგორ აფასებს სერიალს და კონკრეტულად თქვენს ნამუშევარს?
ანი: სხვათა შორის, საკუთარი თავის მიმართ მე უფრო კრიტიკული ვარ, ვიდრე ის. ჩემს ქმარს ნინასნაირი ცოლი არ მოეწონებოდა, როგორი ცოლიც მოსწონს, ისეთი ჰყავს. ყველას არ მოეწონება ნინასნაირი მეუღლე.
– მაკა, თქვენს გოგონას თუ მოსწონს დედის გმირი თინა?
მაკა: სერიალის გადაღებები რომ დავიწყეთ, ისეთი პატარა იყო, სულ თან დამყვებოდა. ახლა ამ ყველაფრისთვის აღარ სცალია და, მგონი, არც სურვილი აქვს. უკვე თავისი ინტერესები გაუჩნდა.
– არც სერიალს უყურებს?
მაკა: სერიალს კი ყოველთვის უყურებს. ჩემი გმირი არასოდეს მოსწონდა, უკვე დიდი ხანია ამ თემაზე აღარ გვილაპარაკია და არ ვიცი, შეიცვალა თუ არა აზრი. მეუბნებოდა, თინა ძალიან უჟმური და ხისტიაო.
ქეთი დინოშვილი, ჟურნალი სარკე
– მეოთხე სეზონია, ერთად გიწევთ მუშაობა. სერიალის მიღმა როგორ გრძელდება თქვენი ურთიერთობა?
ლელა: გადაღებები 24 საათის განმავლობაში გვაქვს და ამიტომ იმაზე ფიქრსაც კი ვეღარ ვასწრებთ, თუ რას ნიშნავს ეს სერიალი ჩვენთვის. თუ გადაღებები არაა, მაკა სხვა სამსახურშია, ანისაც ათასი საქმე აქვს, მეც მუდმივად დაკავებული ვარ. სამივე იმ რეჟიმში ვცხოვრობთ, რომ რაც შეიძლება მეტი რამის გაკეთება მოვასწროთ. ბოლოს იქამდე მივედით, რომ ერთმანეთსაც ვეღარ ვნახულობთ.
ცოტა ხნის წინ სპეციალურად დავაწერინეთ სცენა, სადაც სამივე ერთად ვიქნებოდით, თორემ გადაღებებიც კი ცალ–ცალკე გვაქვს და ზოგჯერ თვეები ისე გადის, რომ ერთმანეთს ვერ ვხვდებით.
– ამ სამი დაქალიდან ყველაზე მეტად რომელი მოგწონთ, რომელთან იმეგობრებდით რეალობაში?
ლელა: რეალურად ერთადერთი ნინაა, რომელიც შეიძლება მეგობრად მისაღები იყოს. მისი გმირი კატეგორიული არ არის, ნინას ყველაფერზე ნეიტრალური პოზიცია აქვს. შეიძლება არავინ თქვას, რა მაგარი გოგოა სამეგობროდო, მაგრამ მისნაირ მეგობარს ალბათ არც არავინ დაიწუნებს.
მე ცხოვრებაში ვერც კატოსთან ვიმეგობრებდი და ვერც – თინასთან. კატო ძალიან აქტიურია, ყველაფერს მოდებულია, უამრავ ცუდ სიტუაციაში ხვდება თავისი სისულელეების და სიშტერის გამო, თუმცა ზოგჯერ მასაც ეტყობა, რომ ტვინი უმუშავებს. თინას კი ბევრი საკითხის მიმართ იმდენად კატეგორიული დამოკიდებულება აქვს, რომ ძალიან რთულია როგორც მასთან კამათი, ისე საუბარი.
ანი: მე კი კატოსთან შედარებით თინას უფრო გავუგებდი.
მაკა: მეც ასე მგონია.
ანი: თინას უხეშობა არ მომწონს, არ მომწონს ის ფორმა, რა ფორმითაც პროტესტს გამოხატავს, თორემ ისე მის აზრებს ვეთანხმები.
მაკა: თინას დიპლომატია აკლია. არ შეუძლია, ადამიანს თავისი აზრი ისე მიაწოდოს, რომ უხეშობაში არ გადაუვიდეს.
– ლელა, თქვენს პერსონაჟზე მამაკაცები ამბობენ, რომ ცოლად მისნაირ ქალს არასოდეს შეირთავენ.
ლელა: ძალიან მიხარია, თუკი ასე გეუბნებიან. ვერ ვიტყვი, რომ კატო უარყოფითი პერსონაჟი და ცუდი ადამიანია, პირიქით. მას უამრავი კარგი თვისება აქვს და კატოს მიმართ ცუდად სულაც არ ვარ განწყობილი. მასზე ძალიან მეცინება და როცა სცენარს ვკითხულობ, მხიარული განწყობა მექმნება, იმდენად სასაცილო რაღაცეებს ამბობს და აკეთებს. თუმცა მისნაირ გოგოსთან ვერ ვიმეგობრებდი.
მაკა: ძალიან შტერი გოგოა.
ანი: კატო ის გოგოა, ვისიც სულ უნდა გეშინოდეს, რამე შტერობა არ ჩაიდინოს.
ლელა: ჩემი გმირი აბსოლუტურად განსხვავებულია ჩემგან. ყველა ის პერსონაჟი, რომელსაც ვთამაშობდი, რაღაცით მაინც მგავდა, მაგრამ კატო არც ერთი თვისებით არ მგავს.
ანი: მეც დაგამშვიდებ და გეტყვი, რომ მართლაც არაფრით ჰგავხარ კატოს. ყოველ შემთხვევაში, ცუდით მაინც არ ჰგავხარ.
ლელა: არც კარგი თვისებებით ვგავარ.
ანი: წიწიბურას გაკეთება მაინც ხომ იცი.
– ლელა, რეალურად როგორი კულინარი ხართ?
ლელა: წიწიბურას გაკეთებაც ვიცი და სხვა ბევრნაირი კერძისაც. სხვათა შორის, ძალიან კარგი დიასახლისი ვარ, ბევრი რაღაცის კეთება მეხერხება.
მაკა: როგორც წესი, ქალი ყველაზე უკეთ მაშინ სწავლობს საჭმელების კეთებას, როცა დედა ხდება. შეიძლება იქამდეც ამზადებდეს რაღაცეებს, მაგრამ შვილის წინაშე მეტად არის პასუხისმგებელი და ვალდებულია, სადილები გაუკეთოს.
ანი: სამწუხაროდ თუ საბედნიეროდ, მგონი, ჩემმა მშობლებმა პირველი გოგო იმიტომ გამაჩინეს, რომ მეორე შვილის გაზრდაში მივხმარებოდი. ჩემი ძმა ძალიან პატარა იყო, როდესაც მე უკვე საჭმელების კეთება დავიწყე. ინტერესიანი ბავშვი ვიყავი. დედა სადილს რომ ამზადებდა, ხელებში ვუვარდებოდი. მწვანილს რომ ჭრიდა, ერთი სული მქონდა, მე როდის დამაჭრევინებდა. მერე თამამად მიმიშვეს და ასე შევუდექი კულინარობას. კერძების მზადების პროცესი მომწონს, მაგრამ მაშინ ჩემთან ერთად არავინ უნდა იყოს. სამზარეულოში ტრიალი ჩემთვის განტვირთვის კარგი საშუალებაა.
– ანი, თქვენი ოჯახური ცხოვრება როგორ მიდის? ახლოვდება დრო, როცა დედა გახდებით...
ანი: ვერ ვიტყვი, რომ რამე განსაკუთრებული სიახლეა, თუ არ ჩავთვლით იმას, რომ ყოველდღიურად მუცელი მეზრდება. უკვე მეხუთე თვეში ვარ, ჯერ ზუსტად არ ვიცი, გოგოს ველოდები თუ ბიჭს. მეუბნებიან, სავარაუდოდ, გოგოაო, მაგრამ სქესი ზუსტად არ ჩანს. ამ ეტაპზე სახელებს ვარჩევთ. ფეხმძიმობის ბოლო ორ თვეში მამამისი წავა და საჭირო რაღაცეებს უყიდის. მე საამისო დრო არ მექნება.
– ამბობენ, რომ ეს სერიალის ბოლო სეზონია. თქვენ გაქვთ ამაზე რაიმე ინფორმაცია?
ანი: ყველა სეზონზე ამბობენ, რომ ეს ბოლოა, მაგრამ არ მგონია, ჩვენ დავიშალოთ. ჩვენს სერიალს ხალხი უყურებს და, ჩემი აზრით, ასე უცებ არ დასრულდება.
ლელა: ხალხს რეაქცია აქვს – რა სისულელეა, რა უნდა დამთავრდესო და ამიტომ ალბათ ყველაფრის გათვალისწინებით მოხდება გადაწყვეტილების მიღება.
– ფილმის გადაღებების დროს როგორ რეჟიმში მოგიწიათ მუშაობა?
ლელა: ფილმში ძალიან ბევრი სიახლეა, ბევრი ახალი პერსონაჟია, განსხვავებული სცენებია, ბევრი გადაღება პავილიონის გარეთ გვქონდა. კამერებით გარეთ რომ გვხედავენ, ეს ხალხში დიდ ინტერესს იწვევს. ვერ ვიტყვი, რომ რომელიმე გმირში დიდ სიახლეს იპოვის მაყურებელი, მაგრამ ყველაშია პატარ–პატარა სიახლე.
– დამღლელი გადაღებების შემდეგ რა გჭირდებათ დასვენებისთვის?
მაკა: სახლში ხალათში გახვევა და ლუდის მოწრუპვა. ღამის 12–დან 2 საათამდე ამით ვარ დაკავებული, მერე კი ვიძინებ. ლუდი მთენთავს და ბედნიერი ვიძინებ.
ანი: გადაღლილობის დროს ლუდი და ღვინო რელაქსაციის საუკეთესო საშუალებაა.
ლელა: მართალია, თორემ ღამეც კი გვესიზმრება, რომ გადაღებებზე ვართ. ყველაზე საშინელება ესაა.
ანი: მე მთელი ზაფხული მესიზმრებოდა, რომ გადაღებებზე ვიყავი. ჩემთვის განტვირთვის ყველაზე კარგი საშუალებაა სახლში მეგობრებთან ერთად ყოფნა. გვინდა, კომფორტულად ვისხდეთ სახლში, ვიდრე საზოგადოებრივი თავშეყრის ადგილებში ვიაროთ.
ლელა: დასვენებისა და განტვირთვისთვის იმდენად ცოტა დრო გვაქვს, რომ სადმე წასვლისთვის და რამის გაკეთების დრო არ რჩება. როცა ვთავისუფლდები, სახლში მივდივარ და დაახლოებით ნახევარ საათში უკვე ვიძინებ.
– ანი, თქვენი რეჟისორი ქმარი როგორ აფასებს სერიალს და კონკრეტულად თქვენს ნამუშევარს?
ანი: სხვათა შორის, საკუთარი თავის მიმართ მე უფრო კრიტიკული ვარ, ვიდრე ის. ჩემს ქმარს ნინასნაირი ცოლი არ მოეწონებოდა, როგორი ცოლიც მოსწონს, ისეთი ჰყავს. ყველას არ მოეწონება ნინასნაირი მეუღლე.
– მაკა, თქვენს გოგონას თუ მოსწონს დედის გმირი თინა?
მაკა: სერიალის გადაღებები რომ დავიწყეთ, ისეთი პატარა იყო, სულ თან დამყვებოდა. ახლა ამ ყველაფრისთვის აღარ სცალია და, მგონი, არც სურვილი აქვს. უკვე თავისი ინტერესები გაუჩნდა.
– არც სერიალს უყურებს?
მაკა: სერიალს კი ყოველთვის უყურებს. ჩემი გმირი არასოდეს მოსწონდა, უკვე დიდი ხანია ამ თემაზე აღარ გვილაპარაკია და არ ვიცი, შეიცვალა თუ არა აზრი. მეუბნებოდა, თინა ძალიან უჟმური და ხისტიაო.
ქეთი დინოშვილი, ჟურნალი სარკე
