ფილტვის დაავადებით "Marlboro-ს კოვბოი" გარდაიცვალა

აშშ-ში, 73 წლის ასაკში მსახიობი და მოდელი ერიკ ლოუსონი გარდაიცვალა, რომელიც Marlboro-ს რეკლამაში იღებდა მონაწილეობას. იგი კალიფორნიაში, ქალაქ სან-ლუის-ობისპოში საკუთარ სახლში 10 იანვარს დაიღუპა, მაგრამ ამის შესახებ მხოლოდ ახლა გახდა ცნობილი.

ლოუსონის სიკვდილის მიზეზი ფილტვის ქრონიკული ობსტრუქციული დაავადება გახდა, რომელიც მას მოწევის გამო განუვითარდა. ლოუსონი 14 წლიდან, ფილტვის დაავადების აღმოჩენამდე ეწეოდა. ამასთან, მავნე ჩვევა ნიკოტინის საწინააღმდეგო ვიდეო რგოლებში მონაწილეობის მიღებაში ხელს არ უშლიდა.

ლოუსონის ქვრივის, სიუზანის თქმით, მიუხედავად დამოკიდებულებისა, მისი მეუღლე სიამოვნებით მონაწილეობდა თამბაქოს საწინააღმდეგო კამპანიებში და ამით ამაყობდა.

ერიკ

ლოუსონი Marlboro-ს რეკლამაში 1978-დან 1981 წლამდე მონაწილეობდა. შემდეგ იგი გადაიღეს ისეთ მრავალსერიან სურათებში, როგორიცაა "მალიბუს მაშველები", "დინასტია" და "ჩარლის ანგელოზები"(სერიალი 1976-1981 წლებში გადიოდა). მან კარიერა 1997 წელს გადასაღებ მოედანზე მიღებული ტრავმის გამო დაასრულა.

ლოუსონი Marlboro-ს ერთადერთი მოდელი არაა, რომელიც მოწევასთან დაკავშირებული დაავადებით გარდაიცვალა. 1995 წელს ფილტვის კიბოთი დევიდ მაკლინი გარდაიცვალა, ხოლო 1987 წელს ფილტვის ემფიზემით - დევიდ მილერი.

მომზადებულია Associated Press-ის მიხედვით.