საინტერესო დეტალები უკრაინის შესაძლო მომავალი პრეზიდენტის ცხოვრებიდან
1 525 ნახვა
უკრაინაში მიმდინარე მოვლენებს მთელი მსოფლიო ადევნებს თვალს. ოპოზიციამ პარტია ''უდარის'' ლიდერი, ცნობილი უკრაინელი სპორტსმენი ვიტალი კლიჩკო ქვეყნის მეთაურად და პრეზიდენტადაც კი გამოაცხადა. ოპოზიციის მიერ გავრცელებული მანიფესტის თანახმად, ვიქტორ იანუკოვიჩი პრეზიდენტის პოსტიდან გადაყენებულია, ვიტალი კლიჩკო კი დროებითი პრეზიდენტია. როგორ განვითარდება მოვლენები და მართლა გახდება თუ არა უკრაინის ლიდერი კლიჩკო, ამას მომავალი გვიჩვენებს, თუმცა ალბათ საინტერესოა, უფრო ახლოს გავიცნოთ ჩვენი მეგობარი ქვეყნის ყველაზე რეალური საპრეზიდენტო კანდიდატი.
ვიტალი კლიჩკო 1971 წლის 19 ივლისს არის დაბადებული, სამხედრო მოსამსახურის ოჯახში, ყირგიზეთის სოფელ ბელოდოვსკოეში. მისი წინაპრები გაღარიბებული კაზაკური გვარიდან იყვნენ, ძველი კიევის მცხოვრებნი. მისი პაპის მამა და სხვა ნათესავები უკრაინის გასაბჭოების პერიოდში რეპრესიებს ემსხვერპლნენ. ოჯახის ნაწილი შიმშილობის დროს დაიღუპა, დედის მხრიდან დიდი პაპა და მისი ოჯახობა კი გერმანელებმა ჰოლოკოსტის პერიოდში, 1940-იან წლებში დახვრიტეს.
კლიჩკოს მამა, ვლადიმერი, სიცოცხლის ბოლო წლებში გერმანიასა და კიევში უკრაინის საელჩოს სამხედრო ატაშე იყო. გენერალ-მაიორი გახლდათ, მილიციელის ოჯახში გაზრდილი. მსახურობდა ჩეხოსლოვაკიაში, ყირგიზეთში, ყაზახეთში, ბალტიისპირეთში. ავიაციის პოლკოვნიკის რანგში მონაწილეობდა ჩერნობილის ატომური ელექტროსადგურის ავარიის შედეგების სალიკვიდაციო სამუშაოებში. ვიტალის დედა - ნადეჟდა ბულინო, დაწყებითი კლასების მასწავლებელია.
1985 წელს კლიჩკოს ოჯახი მშობლიურ უკრაინაში დასახლდა.
ვიტალი პროფესიონალი მოკრივეა, წლების განმავლობაში მძიმე წონით კატეგორიაში გამოდიოდა, ასევე მისდევდა კიკბოქსს. სხვადასხვა ვერსიით არის კრივის მსოფლიო ჩემპიონი პროფესიონალებს შორის. ასევე, სხვადასხვა ორგანიზაციის ვერსიით, კიკბოქსინგში ექვსგზის მსოფლიოს ჩემპიონი გახლავთ. კარიერის განმავლობაში არასოდეს ყოფილა ნოკაუტში და ნოკდაუნშიც კი.
ასევე მსოფლიოს მრავალგზის ჩემპიონია მისი უმცროსი ძმა - ვლადიმერ კლიჩკო. ძმები კლიჩკოების სახელი დღესაც აზანზარებს მსოფლიო კრივს. მათი სახელი უწოდეს 2007 წლის 14 სექტემბერს აღმოჩენილ ახალ ასტეროიდს. ძმები სილვესტერ სტალონესთან ერთად არიან მიუზიკლ ''როკის'' პროდიუსერები. ვლადიმერი ახლაც აქტიურად აგრძელებს სპორტულ კარიერას, ვიტალი კი მეტ დროს პოლიტიკაში ატარებს, თუმცა არც კრივი ავიწყდება და სპორტულ სამყაროს არ სცდება. მართალია, მისი მეორე ნახევარი აცხადებს, რომ სურს, მისმა ქმარმა რაც შეიძლება მალე დაასრულოს პროფესიონალი მოკრივის კარიერა, თუმცა ვიტალის უჭირს ამ გადაწყვეტილების მიღება. გარდა პროფესიული მისწრაფებებისა, ამ სფეროს მისთვის დიდი შემოსავალიც მოაქვს.
ძმები ერთად საქველმოქმედო საქმიანობითაც არიან დაკავებული. 2003 წელს შექმნეს საქველმოქმედო ორგანიზაცია ''ძმები კლიჩკოების ფონდი'', რომელიც ბევრ კარგ საქმეს აკეთებს.
პროფესიონალ მოკრივეს საკმაოდ კარგი განათლება აქვს მიღებული. პედაგოგიური ინსტიტუტის დამთავრების შემდეგ უკრაინის ფიზიკური აღზრდისა და სპორტის ნაციონალური უნივერსიტეტის ასპირანტურა დაამთავრა. შემდეგ საკანდიდატო დისერტაცია დაიცვა და ფიზიკური აღზრდისა და სპორტის სფეროში მეცნიერებათა კანდიდატია. ასევე არის უკრაინის შეიარაღებული ძალების თადარიგის მაიორი.
რამდენიმე წელია, აქტიურად არის ჩართული პოლიტიკაში. პოლიტიკურ პარტია ''უდარს'' ლიდერობს, უკრაინის რადის მეშვიდე მოწვევის დეპუტატია, 2006-2008 წლებში უკრაინის პრეზიდენტის მრჩეველი იყო. უმუშავია კიევის ქალაქის საბჭოში, უკრაინის თვითმმართველობის, რეგიონული და საერთაშორისო კავშირების საკითხებში მუდმივმოქმედი კომისიის წევრია.
რაც შეეხება მომავალი პრეზიდენტის ფინანსურ მდგომარეობას, ბოლო 14 წელი გერმანიაში ცხოვრობდა, სადაც ერთ-ერთ ყველაზე მსხვილ გადასახადების გადამხდელად მიიჩნევა სპორტსმენებს შორის. 2008 წლიდან ძმასთან ერთად არის ფიტნეს-კლუბის სახე, რასაც თითოეული ძმისთვის წელიწადში მილიონი ევროს ოდენობის შემოსავალი მოაქვს. 2011 წელს ამერიკაში გამოსვლებით 4,726 მლნ დოლარი გამოიმუშავა, უკრაინაში კი მისი შემოსავალი, ამავე პერიოდში, ნულ გრივენს შეადგენდა.
2013 წელს უკრაინის უმაღლესი რადის გაზეთში გამოქვეყნდა კლიჩკოს 2012 წლის საშემოსავლო დეკლარაცია - იმ პერიოდში უკრაინაში 11 204 გრივენი ჰქონდა გამომუშავებული, მის ფარგლებს გარეთ კი (გერმანიაში) - 5 მლნ დოლარი. უკრაინაში გამომუშავებული ფული მთლიანად გადარიცხა ერთ-ერთ ბავშვთა სახლში, თუმცა უკრაინის ანტიკორუფციული საბჭო გამუდმებით აცხადებს, რომ კლიჩკო გარკვეულ თანხებს არ ასაჯაროებს, ხოლო ოჯახის წევრების შემოსავლები და ქონება საერთოდაც არ აქვს დეკლარირებული.
ვიტალის ჰყავს ცოლი, ნატალია ეგოროვა - ყოფილი სპორტსმენი და ფოტომოდელი. სამი შვილი - გოგონა და ორი ვაჟი. ცოლი ხშირად არის მის გვერდით აქციებსა და მიტინგებზე და ქმრის პოლიტიკურ კარიერას გაცილებით მეტად ემხრობა, ვიდრე სპორტულს.
ჟურნალი ''რეიტინგი''
ვიტალი კლიჩკო 1971 წლის 19 ივლისს არის დაბადებული, სამხედრო მოსამსახურის ოჯახში, ყირგიზეთის სოფელ ბელოდოვსკოეში. მისი წინაპრები გაღარიბებული კაზაკური გვარიდან იყვნენ, ძველი კიევის მცხოვრებნი. მისი პაპის მამა და სხვა ნათესავები უკრაინის გასაბჭოების პერიოდში რეპრესიებს ემსხვერპლნენ. ოჯახის ნაწილი შიმშილობის დროს დაიღუპა, დედის მხრიდან დიდი პაპა და მისი ოჯახობა კი გერმანელებმა ჰოლოკოსტის პერიოდში, 1940-იან წლებში დახვრიტეს.
კლიჩკოს მამა, ვლადიმერი, სიცოცხლის ბოლო წლებში გერმანიასა და კიევში უკრაინის საელჩოს სამხედრო ატაშე იყო. გენერალ-მაიორი გახლდათ, მილიციელის ოჯახში გაზრდილი. მსახურობდა ჩეხოსლოვაკიაში, ყირგიზეთში, ყაზახეთში, ბალტიისპირეთში. ავიაციის პოლკოვნიკის რანგში მონაწილეობდა ჩერნობილის ატომური ელექტროსადგურის ავარიის შედეგების სალიკვიდაციო სამუშაოებში. ვიტალის დედა - ნადეჟდა ბულინო, დაწყებითი კლასების მასწავლებელია.
1985 წელს კლიჩკოს ოჯახი მშობლიურ უკრაინაში დასახლდა.
ვიტალი პროფესიონალი მოკრივეა, წლების განმავლობაში მძიმე წონით კატეგორიაში გამოდიოდა, ასევე მისდევდა კიკბოქსს. სხვადასხვა ვერსიით არის კრივის მსოფლიო ჩემპიონი პროფესიონალებს შორის. ასევე, სხვადასხვა ორგანიზაციის ვერსიით, კიკბოქსინგში ექვსგზის მსოფლიოს ჩემპიონი გახლავთ. კარიერის განმავლობაში არასოდეს ყოფილა ნოკაუტში და ნოკდაუნშიც კი.
ასევე მსოფლიოს მრავალგზის ჩემპიონია მისი უმცროსი ძმა - ვლადიმერ კლიჩკო. ძმები კლიჩკოების სახელი დღესაც აზანზარებს მსოფლიო კრივს. მათი სახელი უწოდეს 2007 წლის 14 სექტემბერს აღმოჩენილ ახალ ასტეროიდს. ძმები სილვესტერ სტალონესთან ერთად არიან მიუზიკლ ''როკის'' პროდიუსერები. ვლადიმერი ახლაც აქტიურად აგრძელებს სპორტულ კარიერას, ვიტალი კი მეტ დროს პოლიტიკაში ატარებს, თუმცა არც კრივი ავიწყდება და სპორტულ სამყაროს არ სცდება. მართალია, მისი მეორე ნახევარი აცხადებს, რომ სურს, მისმა ქმარმა რაც შეიძლება მალე დაასრულოს პროფესიონალი მოკრივის კარიერა, თუმცა ვიტალის უჭირს ამ გადაწყვეტილების მიღება. გარდა პროფესიული მისწრაფებებისა, ამ სფეროს მისთვის დიდი შემოსავალიც მოაქვს.
ძმები ერთად საქველმოქმედო საქმიანობითაც არიან დაკავებული. 2003 წელს შექმნეს საქველმოქმედო ორგანიზაცია ''ძმები კლიჩკოების ფონდი'', რომელიც ბევრ კარგ საქმეს აკეთებს.
პროფესიონალ მოკრივეს საკმაოდ კარგი განათლება აქვს მიღებული. პედაგოგიური ინსტიტუტის დამთავრების შემდეგ უკრაინის ფიზიკური აღზრდისა და სპორტის ნაციონალური უნივერსიტეტის ასპირანტურა დაამთავრა. შემდეგ საკანდიდატო დისერტაცია დაიცვა და ფიზიკური აღზრდისა და სპორტის სფეროში მეცნიერებათა კანდიდატია. ასევე არის უკრაინის შეიარაღებული ძალების თადარიგის მაიორი.
რამდენიმე წელია, აქტიურად არის ჩართული პოლიტიკაში. პოლიტიკურ პარტია ''უდარს'' ლიდერობს, უკრაინის რადის მეშვიდე მოწვევის დეპუტატია, 2006-2008 წლებში უკრაინის პრეზიდენტის მრჩეველი იყო. უმუშავია კიევის ქალაქის საბჭოში, უკრაინის თვითმმართველობის, რეგიონული და საერთაშორისო კავშირების საკითხებში მუდმივმოქმედი კომისიის წევრია.
რაც შეეხება მომავალი პრეზიდენტის ფინანსურ მდგომარეობას, ბოლო 14 წელი გერმანიაში ცხოვრობდა, სადაც ერთ-ერთ ყველაზე მსხვილ გადასახადების გადამხდელად მიიჩნევა სპორტსმენებს შორის. 2008 წლიდან ძმასთან ერთად არის ფიტნეს-კლუბის სახე, რასაც თითოეული ძმისთვის წელიწადში მილიონი ევროს ოდენობის შემოსავალი მოაქვს. 2011 წელს ამერიკაში გამოსვლებით 4,726 მლნ დოლარი გამოიმუშავა, უკრაინაში კი მისი შემოსავალი, ამავე პერიოდში, ნულ გრივენს შეადგენდა.
2013 წელს უკრაინის უმაღლესი რადის გაზეთში გამოქვეყნდა კლიჩკოს 2012 წლის საშემოსავლო დეკლარაცია - იმ პერიოდში უკრაინაში 11 204 გრივენი ჰქონდა გამომუშავებული, მის ფარგლებს გარეთ კი (გერმანიაში) - 5 მლნ დოლარი. უკრაინაში გამომუშავებული ფული მთლიანად გადარიცხა ერთ-ერთ ბავშვთა სახლში, თუმცა უკრაინის ანტიკორუფციული საბჭო გამუდმებით აცხადებს, რომ კლიჩკო გარკვეულ თანხებს არ ასაჯაროებს, ხოლო ოჯახის წევრების შემოსავლები და ქონება საერთოდაც არ აქვს დეკლარირებული.
ვიტალის ჰყავს ცოლი, ნატალია ეგოროვა - ყოფილი სპორტსმენი და ფოტომოდელი. სამი შვილი - გოგონა და ორი ვაჟი. ცოლი ხშირად არის მის გვერდით აქციებსა და მიტინგებზე და ქმრის პოლიტიკურ კარიერას გაცილებით მეტად ემხრობა, ვიდრე სპორტულს.
ჟურნალი ''რეიტინგი''
