მონიკა ბელუჩის ორეული ყაზახეთიდან

მართალია, მსოფლიოში ორი იდენტური ადამიანი არ არსებობს და ყველა უნიკალურია, თუმცა არსებობს ის ვიზუალური მსგავსებები, რომელთაც გვერდს ვერ ავუვლით. სწორედ მონიკა ბელუჩისთან ფიზიკური მსგავსებით მიიქცია ყურადღება ყაზახმა გოგონამ ზარა იუსუპოვამ. ზარას სურათები აშკარად მეტყველებენ იმაზე, რომ ის მონიკას ტყუპისცალივით ჰგავს.




სამწუხაროდ, გოგონაზე ბევრი ცნობა არ მოიპოვება. მხოლოდ ისაა აშკარა, რომ ზარა იუსუპოვა მონიკას დიდი თაყვანისმცემელია. ეს ყველაფერი აისახება მის სტილზე, მაკიაჟსა და ვარცხნილობებზე - ყაზახი გოგონა ნამდვილად იხდენს ბელუჩისეულ სტილს და არც ქალური ფორმებით ჩამორჩება მას.

ზარა იუსუპოვა 28 წლისაა. წარმოშობით ჩეჩენია და არა ყაზახი, თუმცა იქ დაიბადა. ამჟამად ინდოეთში ცხოვრობს. რაც არ უნდა გასაკვირი იყოს, ზარა სულაც არაა მსახიობი. ის მეან-გინეკოლოგად მუშაობს.



ზარა თავისი ცხოვრებით ძალიან კმაყოფილია და ამბობს : "ინდოეთში გადმოსვლამ ჩემს ცხოვრებაში მრავალი სიახლე შემოიტანა. ეს ქვეყანა საოცარია, ძალიან მზიანი და საინტერესო. აქ ყოფნის პერიოდში დავინტერესდი იოგითა და ინდუიზმით. ვისწავლე ინდური და შემიძლია ვთქვა, რომ ის ულამაზესი ენაა. რაც მთავარია, ვაკეთებ იმ საქმეს რომელიც ყველაზე მეტად მიყვარს - ვეხმარები ქალბატონებს, რომ ქვეყანას მოავლინონ ახალი სიცოცხლე."