რატი დურგლიშვილი ხარისხიან გოგონას ეძებს
1 719 ნახვა
დუეტი ''ჯორჯია'' მალე ხუთი წლის გახდება. ამ თარიღთან დაკავშირებით რატი დურგლიშვილი და მაკა ზამბახიძე ემზადებიან და საიუბილეო კონცერტზე ბევრ სიურპრიზს გვპირდებიან. სავარაუდოდ, მოვისმენთ რატის იმ სიმღერასაც, რომლის წარდგენა გასულ წელს ''ევროვიზიის'' კონკურსზე უნდოდათ. რატის ძალიან კარგი ჩანაფიქრი ჰქონდა, უნდოდა, სიმღერის პარალელურად მაკა დაეხატა და ამით ყველასთვის პროფესიონალიზმი ეჩვენებინა,… თუმცა პროდიუსერებმა, ვინც წყვეტს, თუ ვინ უნდა გაემგზავროს ''ევროვიზიის'' კონკურსზე, არჩიეს, რომ ახალი დუეტი შეექმნათ.
- რატი, ბევრი მომღერალი განაწყენდა იმის გამო, რომ საახალწლო კონცერტებზე ვერ მოხვდა. დუეტი ''ჯორჯია'' მათ რიცხვში არ ყოფილა. რას ფიქრობ კონცერტსმიღმა დარჩენილი მომღერლების პროტესტზე?
- ისეთი ადამიანი ვარ, რომელიმე კონცერტზე თუ ვერ მოვხვდი, პრეტენზიას არ გამოვთქვამ. ალბათ, არის ბევრი მიზეზი, რის გამოც მომღერლები კონცერტზე ვერ ხვდებიან. მე მხოლოდ ის ვიცი, რომ საახალწლო კონცერტზე ნაცნობობით ან სხვა რაიმეს გამო არ მოვხვედრილვარ. ამგვარი ღონისძიებებისადმი ინტერესი ნაკლებად მაქვს, რადგან სხვა ბევრი საქმით გახლავართ დაკავებული. ძალიან დიდი მადლობა მინდა გადავუხადო ასეთი კონცერტების ორგანიზატორებს, რადგან მას შემდეგ, რაც დუეტი ''ჯორჯია'' დაარსდა, ამ ტიპის ღონისძიებებში ხშირად ვმონაწილეობთ. ძალით სადმე რომ ''ჩამსვან'', არ მინდა. ბევრ კორპორატიულ საღამოზე მაქვს უარი ნათქვამი. არ მესმის, როდესაც მეუბნებიან, თუ არ გინდა მონაწილეობა, მაშინ ამ ფასად სხვას მოვიწვევთო. თუ არ იცი ჩემი ფასი და ჩემს ადგილას სხვა ნებისმიერი იქნება, მაშინ რატომღა მირეკავ? საბოლოო ჯამში, ალბათ, მაინც ჩემს თავს დავაბრალებ, სადმე თუ არ მიმიწვევენ. მთავარია, ახალ პროდუქტს ქმნიდე, ხალხს რომ აინტერესებდე. როგორც კი მივხვდები, რომ ხალხს არ ვაინტერესებ, ალბათ, სიმღერას თავს დავანებებ.
- ''ახალ ტალღაში'' გამარჯვების შემდეგ შენ და მაკა ზამბახიძე ყველასთვის საყვარელი მომღერლები გახდით. როგორც ვიცი, ყოფილი პრეზიდენტისგან რამდენჯერმე საჩუქარიც მიიღე.
- მიხეილ სააკაშვილმა ერთხელ დაბადების დღეზე ''ზაპონკები'' გამომიგზავნა. ის ბევრ ცნობილ მომღერალს უგზავნიდა საჩუქრებს. ამისთვის მხოლოდ მადლობის გადახდა შემიძლია. ასეთი ყურადღება ძალიან ბევრს ნიშნავს.
- გიორგი მარგველაშვილთან როგორი ურთიერთობა გაქვს?
- ძალიან მიხარია, რომ პოლიტიკასთან არანაირი შეხება არ მაქვს.
- შესაბამისად, გიორგი მარგველაშვილისგან საჩუქარი არ მიგიღია.
- არა უშავს, თუ არ მიმიღია, სამაგიეროდ, საჩუქარი იმ ადამიანებისგან მიმიღია, ვინც ჩემს სულში არიან. მთავარი ისაა, რომ ქვეყანაში სტაბილური მდგომარეობა იყოს.
- 2008 წლის ომის შემდეგ, შენ და მაკამ რუსეთიდან ბევრ შემოთავაზებაზე თქვით უარი. ამის გამო როდისმე სინანულის განცდა გქონიათ?
- როდესაც გბომბავენ, იმ ქვეყანაში ჩასვლა და სიმღერა არასწორად მიმაჩნია. ჩვენი მაშინდელი გადაწყვეტილება არასდროს მინანია.
- როგორც ვიცი, ახალგორში გაქვს სახლი, რომელიც 2008 წლის ომის მერე დაკარგე. გაქვს ინფორმაცია, ის სახლი რა მდგომარეობაშია?
- ის სახლი ძალიან მიყვარდა. ჩემი სამეგობრო კვირაში ერთხელ მაინც ჩავდიოდით. თბილისიდან სულ რაღაც 40 კილომეტრით არის დაშორებული. ზუსტად იმ ზაფხულს გავარემონტეთ, როცა ომი მოხდა. ჩემი ბებია და ბაბუა იქ არიან დასაფლავებული და სამწუხაროდ, წლებია, მათ საფლავზე არ ვყოფილვარ. პრობლემები შეიქმნა იმ თავშესაფრის გადმოცემასთან დაკავშირებით, რაც ამ სახლის სანაცვლოდ მოგვცეს. იმედია, ეს საქმე მოგვარდება და თავშესაფარს მოგვცემენ.
- ძალიან მალე ჩატარდება ''ევროვიზიის'' შესარჩევი კონკურსი. შარშან, როდესაც საქართველო ნო დიკო ტატიშვილმა და სოფო გელოვანმა წარადგინეს, ბევრი ამბობდა, რომ თქვენი დუეტი უნდა წასულიყო და ამ შემთხვევაში საქართველოს უფრო კარგი შედეგი ექნებოდა.
- ორივე ძალიან კარგი მომღერალია. ჩემი მეგობრები არიან და მიმაჩნია, რომ კარგად იმღერეს. მაგრამ მე შემიძლია, ერთი რამ გითხრათ. ''ევროვიზია'' ჩემს ცხოვრებაში აღარ იარსებებს. ყოველ წელს დუეტით ხომ არ წარდგება საქართველო?!.. სირცხვილია. გარდა ამისა, ''ევროვიზია'' დიდ რესურსებს მოითხოვს. სიმართლე გითხრათ, ისიც ვერ გავიგე, რა ფორმატით არჩევდნენ კონკურსზე წასასვლელ მომღერალს. როგორც ჩანს, ჩვენი სურვილი კონკურსში მონაწილეობის მიღებისა ერთი იყო, მაგრამ ვისზეც ამ კონკურსზე წასვლა არის დამოკიდებული, იმას ჩვენ არ მოვწონვართ. ბოდიშს ვუხდი მათ აქამდე შეწუხებისთვის. ამის შემდეგ აღარ შევაწუხებ.
- თუ ქართული დუეტი შარშან არ მოხვდა ხუთეულში, ამის გამო ამ კონკურსში მონაწილეობაზე უარი რატომ უნდა თქვათ? ხომ შეიძლება, მომავალში უფრო გაგვიმართლოს?..
- არ მიყვარს, როდესაც ადამიანს რაღაცას ვთავაზობ. პროდიუსერი იმიტომაა პროდიუსერი, რომ მან უნდა დაინახოს შენი ნიჭი. პატივს ვცემ ყველას პირად გადაწყვეტილებას. იმ ადამიანებმა ჩათვალეს საჭიროდ, რომ შექმნილიყო ახალი დუეტი. ამის გამო არანაირი პრობლემა არაა. მათ წარმატება ვუსურვე. ერთადერთი კონკურსი იყო, სადაც ჩემი სიმღერით მივედი. ძალიან კარგი შეთავაზება მქონდა. ჩემი დაწერილი სიმღერაა, მშვიდობაზეა და მას მე და მაკა ქართველ მაყურებელს აუცილებლად წარვუდგენთ. დიდი იმედი მაქვს, რომ მოეწონებათ. კარგად რომ დავფიქრდი, მივხვდი, რომ ''ევროვიზია'' ჩვენი ფორმატი არცაა. გავიმარჯვეთ ''ახალ ტალღაზე'' და ჯობია, ეს გამარჯვება შევირგოთ, ვიდრე ის, რომ წავიდეთ ''ევროვიზიაზე'' და კაცმა არ იცის, რას ვიზამთ.
- კითხვა, რომელსაც ალბათ ყველაზე ხშირად გისვამენ, არის, რა ხდება შენს პირად ცხოვრებაში?
- ყოველთვის რაღაც ხდება, მაგრამ ისეთი არაფერი, რომ სააშკარაოზე გამოვიტანო. ზოგადად ნებისმიერი ადამიანის პირადი ცხოვრება ჩემთვის უინტერესოა. ჯობს, ჩემს შემოქმედებაზე ილაპარაკონ, ვიდრე იმაზე, თუ ვის მოვიყვან ცოლად.
- როგორც წესი, ჩვენს მკითხველს ის უფრო აინტერესებს ხოლმე, როგორი უნდა იყოს გოგონა, რომელიც რატის მოეწონება.
- გრძნობას ხომ ვერ აკონტროლებ. შეიძლება, ხვალ ისეთი პიროვნება გამოჩნდეს, კითხვა დასვა, მე როგორ შემიყვარდა ან იმან როგორ შემიყვარაო. შეიძლება, ისეთი ანგელოზივით გოგონა მოვიყვანო ცოლად, თქვან, რატის როგორ შეხედაო. მე უფრო მეტად ადამიანის ტვინსა და ხარისხს ვაქცევ ყურადღებას, ვიდრე გარეგნობას და ის უფრო მაინტერესებს, რამდენად ხარისხიანად ცხოვრობს.
- როგორია შენთვის ხარისხიანი ცხოვრება?
- ძალიან დიდ მნიშვნელობას ვანიჭებ მანერებს და ადამიანის ზრდილობას. არ მიყვარს უზრდელი გოგონები. არც ის მომწონს, ჟარგონებით რომ ლაპარაკობენ. გამარჯობასაც კი ხარისხიანად უნდა ამბობდეს.
- როგორც ჩანს, შენთვის რთულია ხარისხიანი გოგოს მოძებნა.
- რთულია, იმიტომ, რომ მე თვითონ ავირჩიე ეს გზა. წუნია არ ვარ. ვინმემ შეიძლება თქვას, თვითონ დიდი ვინმეც არისო. არავის არ ვაწუხებ ჩემი შეხედულებებით. სიმღერის გარდა მეც ხომ ჩვეულებრივი ადამიანი ვარ და ხომ შეიძლება, რომ ჩემი მოთხოვნები მქონდეს?.
- შეგიძლია, გაგვიმხილო, ბოლოს როდის შეხვდი ხარისხიან გოგოს?
- საბოლოო ჯამში, ყველა ხარისხიანია, ვისაც ვხვდები.
- ბოლოს როდის გიყვარდა?
- მას შემდეგ, სავარაუდოდ, თერთმეტი წელი გავიდა. 31 წლის ვარ. ახლა ისეთი ასაკი მაქვს, რომ მგონია, სიყვარული ამ ასაკამდე უნდა მოასწრო. ამ გრძნობას მანამდე ბრმად უნდა მიენდო. ახლა ყველაფერს სხვანაირად ვუყურებ, ვიდრე რამდენიმე წლის წინ, მათ შორის ცხოვრებასაც.
- იმ გოგონას ცხოვრება როგორ წარიმართა, თერთმეტი წლის წინ რომ გიყვარდა?
- გათხოვილია. ვმეგობრობთ. ხშირად არ ვხვდები, მაგრამ როცა ერთმანეთს ვხვდებით, თბილად მოვიკითხავთ ხოლმე. ჩემს ცხოვრებაში სიყვარული რთულად იწყება. ისე ხდება ხოლმე, რომ თავიდან გგონია, რომ გიყვარს და მერე ხვდები, რომ უკან უნდა დაიხიო. შეყვარებული რომ ხარ, მასზე ზრუნვა უნდა გინდოდეს და როცა ეს სურვილი იკარგება, მერე ყველაფერი ფუჭდება. ჩემი მეგობრების დაშორების ამბავს რომ ვისმენ, ვხვდები, რომ შეყვარებულები მაშინ ჩხუბობენ, როდესაც ერთი მათგანი საკუთარ თავზე ბევრ ფიქრს იწყებს. როდესაც წყვილს ერთმანეთი უყვარს, ასე არ უნდა ხდებოდეს და მეორე არ უნდა გამოიყენო. საბოლოოდ, მივდივარ იმ დასკვნამდე, რომ ადამიანების 50% ვერ პოულობს თავის მეორე ნახევარს. ყოფილა შემთხვევა, რომ გაუცნიათ და მეორე დღეს შეუქმნიათ ოჯახი, მაგრამ ასე არ უნდა მოხდეს. ყველაფერი კარგად უნდა გამოიკვლიო და ის ადამიანი კარგად უნდა გაიცნო. თუმცა ხომ არსებობენ ადამიანები, რომლებსაც ოჯახი მხოლოდ შვილების გამო უნდათ?!. მოკლედ, ძალიან რთული თემაა. სიმართლე რომ გითხრა, ამ საკითხზე ძალიან ბევრი მაქვს ნაფიქრი, მაგრამ ამაზე ინტერვიუებში საუბარი ცოტა რთულია.
მერი კობიაშვილი
ჟურნალი ''რეიტინგი''
- რატი, ბევრი მომღერალი განაწყენდა იმის გამო, რომ საახალწლო კონცერტებზე ვერ მოხვდა. დუეტი ''ჯორჯია'' მათ რიცხვში არ ყოფილა. რას ფიქრობ კონცერტსმიღმა დარჩენილი მომღერლების პროტესტზე?
- ისეთი ადამიანი ვარ, რომელიმე კონცერტზე თუ ვერ მოვხვდი, პრეტენზიას არ გამოვთქვამ. ალბათ, არის ბევრი მიზეზი, რის გამოც მომღერლები კონცერტზე ვერ ხვდებიან. მე მხოლოდ ის ვიცი, რომ საახალწლო კონცერტზე ნაცნობობით ან სხვა რაიმეს გამო არ მოვხვედრილვარ. ამგვარი ღონისძიებებისადმი ინტერესი ნაკლებად მაქვს, რადგან სხვა ბევრი საქმით გახლავართ დაკავებული. ძალიან დიდი მადლობა მინდა გადავუხადო ასეთი კონცერტების ორგანიზატორებს, რადგან მას შემდეგ, რაც დუეტი ''ჯორჯია'' დაარსდა, ამ ტიპის ღონისძიებებში ხშირად ვმონაწილეობთ. ძალით სადმე რომ ''ჩამსვან'', არ მინდა. ბევრ კორპორატიულ საღამოზე მაქვს უარი ნათქვამი. არ მესმის, როდესაც მეუბნებიან, თუ არ გინდა მონაწილეობა, მაშინ ამ ფასად სხვას მოვიწვევთო. თუ არ იცი ჩემი ფასი და ჩემს ადგილას სხვა ნებისმიერი იქნება, მაშინ რატომღა მირეკავ? საბოლოო ჯამში, ალბათ, მაინც ჩემს თავს დავაბრალებ, სადმე თუ არ მიმიწვევენ. მთავარია, ახალ პროდუქტს ქმნიდე, ხალხს რომ აინტერესებდე. როგორც კი მივხვდები, რომ ხალხს არ ვაინტერესებ, ალბათ, სიმღერას თავს დავანებებ.
- ''ახალ ტალღაში'' გამარჯვების შემდეგ შენ და მაკა ზამბახიძე ყველასთვის საყვარელი მომღერლები გახდით. როგორც ვიცი, ყოფილი პრეზიდენტისგან რამდენჯერმე საჩუქარიც მიიღე.
- მიხეილ სააკაშვილმა ერთხელ დაბადების დღეზე ''ზაპონკები'' გამომიგზავნა. ის ბევრ ცნობილ მომღერალს უგზავნიდა საჩუქრებს. ამისთვის მხოლოდ მადლობის გადახდა შემიძლია. ასეთი ყურადღება ძალიან ბევრს ნიშნავს.
- გიორგი მარგველაშვილთან როგორი ურთიერთობა გაქვს?
- ძალიან მიხარია, რომ პოლიტიკასთან არანაირი შეხება არ მაქვს.
- შესაბამისად, გიორგი მარგველაშვილისგან საჩუქარი არ მიგიღია.
- არა უშავს, თუ არ მიმიღია, სამაგიეროდ, საჩუქარი იმ ადამიანებისგან მიმიღია, ვინც ჩემს სულში არიან. მთავარი ისაა, რომ ქვეყანაში სტაბილური მდგომარეობა იყოს.
- 2008 წლის ომის შემდეგ, შენ და მაკამ რუსეთიდან ბევრ შემოთავაზებაზე თქვით უარი. ამის გამო როდისმე სინანულის განცდა გქონიათ?
- როდესაც გბომბავენ, იმ ქვეყანაში ჩასვლა და სიმღერა არასწორად მიმაჩნია. ჩვენი მაშინდელი გადაწყვეტილება არასდროს მინანია.
- როგორც ვიცი, ახალგორში გაქვს სახლი, რომელიც 2008 წლის ომის მერე დაკარგე. გაქვს ინფორმაცია, ის სახლი რა მდგომარეობაშია?
- ის სახლი ძალიან მიყვარდა. ჩემი სამეგობრო კვირაში ერთხელ მაინც ჩავდიოდით. თბილისიდან სულ რაღაც 40 კილომეტრით არის დაშორებული. ზუსტად იმ ზაფხულს გავარემონტეთ, როცა ომი მოხდა. ჩემი ბებია და ბაბუა იქ არიან დასაფლავებული და სამწუხაროდ, წლებია, მათ საფლავზე არ ვყოფილვარ. პრობლემები შეიქმნა იმ თავშესაფრის გადმოცემასთან დაკავშირებით, რაც ამ სახლის სანაცვლოდ მოგვცეს. იმედია, ეს საქმე მოგვარდება და თავშესაფარს მოგვცემენ.
- ძალიან მალე ჩატარდება ''ევროვიზიის'' შესარჩევი კონკურსი. შარშან, როდესაც საქართველო ნო დიკო ტატიშვილმა და სოფო გელოვანმა წარადგინეს, ბევრი ამბობდა, რომ თქვენი დუეტი უნდა წასულიყო და ამ შემთხვევაში საქართველოს უფრო კარგი შედეგი ექნებოდა.
- ორივე ძალიან კარგი მომღერალია. ჩემი მეგობრები არიან და მიმაჩნია, რომ კარგად იმღერეს. მაგრამ მე შემიძლია, ერთი რამ გითხრათ. ''ევროვიზია'' ჩემს ცხოვრებაში აღარ იარსებებს. ყოველ წელს დუეტით ხომ არ წარდგება საქართველო?!.. სირცხვილია. გარდა ამისა, ''ევროვიზია'' დიდ რესურსებს მოითხოვს. სიმართლე გითხრათ, ისიც ვერ გავიგე, რა ფორმატით არჩევდნენ კონკურსზე წასასვლელ მომღერალს. როგორც ჩანს, ჩვენი სურვილი კონკურსში მონაწილეობის მიღებისა ერთი იყო, მაგრამ ვისზეც ამ კონკურსზე წასვლა არის დამოკიდებული, იმას ჩვენ არ მოვწონვართ. ბოდიშს ვუხდი მათ აქამდე შეწუხებისთვის. ამის შემდეგ აღარ შევაწუხებ.
- თუ ქართული დუეტი შარშან არ მოხვდა ხუთეულში, ამის გამო ამ კონკურსში მონაწილეობაზე უარი რატომ უნდა თქვათ? ხომ შეიძლება, მომავალში უფრო გაგვიმართლოს?..
- არ მიყვარს, როდესაც ადამიანს რაღაცას ვთავაზობ. პროდიუსერი იმიტომაა პროდიუსერი, რომ მან უნდა დაინახოს შენი ნიჭი. პატივს ვცემ ყველას პირად გადაწყვეტილებას. იმ ადამიანებმა ჩათვალეს საჭიროდ, რომ შექმნილიყო ახალი დუეტი. ამის გამო არანაირი პრობლემა არაა. მათ წარმატება ვუსურვე. ერთადერთი კონკურსი იყო, სადაც ჩემი სიმღერით მივედი. ძალიან კარგი შეთავაზება მქონდა. ჩემი დაწერილი სიმღერაა, მშვიდობაზეა და მას მე და მაკა ქართველ მაყურებელს აუცილებლად წარვუდგენთ. დიდი იმედი მაქვს, რომ მოეწონებათ. კარგად რომ დავფიქრდი, მივხვდი, რომ ''ევროვიზია'' ჩვენი ფორმატი არცაა. გავიმარჯვეთ ''ახალ ტალღაზე'' და ჯობია, ეს გამარჯვება შევირგოთ, ვიდრე ის, რომ წავიდეთ ''ევროვიზიაზე'' და კაცმა არ იცის, რას ვიზამთ.
- კითხვა, რომელსაც ალბათ ყველაზე ხშირად გისვამენ, არის, რა ხდება შენს პირად ცხოვრებაში?
- ყოველთვის რაღაც ხდება, მაგრამ ისეთი არაფერი, რომ სააშკარაოზე გამოვიტანო. ზოგადად ნებისმიერი ადამიანის პირადი ცხოვრება ჩემთვის უინტერესოა. ჯობს, ჩემს შემოქმედებაზე ილაპარაკონ, ვიდრე იმაზე, თუ ვის მოვიყვან ცოლად.
- როგორც წესი, ჩვენს მკითხველს ის უფრო აინტერესებს ხოლმე, როგორი უნდა იყოს გოგონა, რომელიც რატის მოეწონება.
- გრძნობას ხომ ვერ აკონტროლებ. შეიძლება, ხვალ ისეთი პიროვნება გამოჩნდეს, კითხვა დასვა, მე როგორ შემიყვარდა ან იმან როგორ შემიყვარაო. შეიძლება, ისეთი ანგელოზივით გოგონა მოვიყვანო ცოლად, თქვან, რატის როგორ შეხედაო. მე უფრო მეტად ადამიანის ტვინსა და ხარისხს ვაქცევ ყურადღებას, ვიდრე გარეგნობას და ის უფრო მაინტერესებს, რამდენად ხარისხიანად ცხოვრობს.
- როგორია შენთვის ხარისხიანი ცხოვრება?
- ძალიან დიდ მნიშვნელობას ვანიჭებ მანერებს და ადამიანის ზრდილობას. არ მიყვარს უზრდელი გოგონები. არც ის მომწონს, ჟარგონებით რომ ლაპარაკობენ. გამარჯობასაც კი ხარისხიანად უნდა ამბობდეს.
- როგორც ჩანს, შენთვის რთულია ხარისხიანი გოგოს მოძებნა.
- რთულია, იმიტომ, რომ მე თვითონ ავირჩიე ეს გზა. წუნია არ ვარ. ვინმემ შეიძლება თქვას, თვითონ დიდი ვინმეც არისო. არავის არ ვაწუხებ ჩემი შეხედულებებით. სიმღერის გარდა მეც ხომ ჩვეულებრივი ადამიანი ვარ და ხომ შეიძლება, რომ ჩემი მოთხოვნები მქონდეს?.
- შეგიძლია, გაგვიმხილო, ბოლოს როდის შეხვდი ხარისხიან გოგოს?
- საბოლოო ჯამში, ყველა ხარისხიანია, ვისაც ვხვდები.
- ბოლოს როდის გიყვარდა?
- მას შემდეგ, სავარაუდოდ, თერთმეტი წელი გავიდა. 31 წლის ვარ. ახლა ისეთი ასაკი მაქვს, რომ მგონია, სიყვარული ამ ასაკამდე უნდა მოასწრო. ამ გრძნობას მანამდე ბრმად უნდა მიენდო. ახლა ყველაფერს სხვანაირად ვუყურებ, ვიდრე რამდენიმე წლის წინ, მათ შორის ცხოვრებასაც.
- იმ გოგონას ცხოვრება როგორ წარიმართა, თერთმეტი წლის წინ რომ გიყვარდა?
- გათხოვილია. ვმეგობრობთ. ხშირად არ ვხვდები, მაგრამ როცა ერთმანეთს ვხვდებით, თბილად მოვიკითხავთ ხოლმე. ჩემს ცხოვრებაში სიყვარული რთულად იწყება. ისე ხდება ხოლმე, რომ თავიდან გგონია, რომ გიყვარს და მერე ხვდები, რომ უკან უნდა დაიხიო. შეყვარებული რომ ხარ, მასზე ზრუნვა უნდა გინდოდეს და როცა ეს სურვილი იკარგება, მერე ყველაფერი ფუჭდება. ჩემი მეგობრების დაშორების ამბავს რომ ვისმენ, ვხვდები, რომ შეყვარებულები მაშინ ჩხუბობენ, როდესაც ერთი მათგანი საკუთარ თავზე ბევრ ფიქრს იწყებს. როდესაც წყვილს ერთმანეთი უყვარს, ასე არ უნდა ხდებოდეს და მეორე არ უნდა გამოიყენო. საბოლოოდ, მივდივარ იმ დასკვნამდე, რომ ადამიანების 50% ვერ პოულობს თავის მეორე ნახევარს. ყოფილა შემთხვევა, რომ გაუცნიათ და მეორე დღეს შეუქმნიათ ოჯახი, მაგრამ ასე არ უნდა მოხდეს. ყველაფერი კარგად უნდა გამოიკვლიო და ის ადამიანი კარგად უნდა გაიცნო. თუმცა ხომ არსებობენ ადამიანები, რომლებსაც ოჯახი მხოლოდ შვილების გამო უნდათ?!. მოკლედ, ძალიან რთული თემაა. სიმართლე რომ გითხრა, ამ საკითხზე ძალიან ბევრი მაქვს ნაფიქრი, მაგრამ ამაზე ინტერვიუებში საუბარი ცოტა რთულია.
მერი კობიაშვილი
ჟურნალი ''რეიტინგი''
