შეუხამეთ ერთმანეთს თხელი და სქელი ქსოვილები
2 201 ნახვა
დიზაინერი ტატუნა ნიკოლაიშვილი ყველა სეზონზე მუშაობს კოლექციაზე, რომელიც შემდეგ უკრაინის მოდის კვირეულზე გააქვს. გარდა ამისა, ყოველ წელს იღებს მონაწილეობას პარიზის შოურუმში და ასევე სოფო ჭყონიას ორგანიზებით ჩატარებულ ღონისძიებაში. რაც შეეხება უშუალოდ კოლექციას, სახელწოდებით ''კოსმოსი'', რომელიც არ არის ბოლომდე პრეტ-ა-პორტე და შეიცავს არტის ელემენტებს, შექმნილია უმეტესად შალის ქსოვილისგან. ფერების თვალსაზრისით აქცენტი გაკეთებულია ბორდოსფერზე, შავზე, თეთრზე, ყავისფერსა და რუხზე. ეს სახელი კი დიზიანერმა კოსტუმების ფორმების გამო შეარჩია.
- ამ სეზონზე აქტუალურია შავი ფერი, ასევე თეთრი კოსტუმები, ბორდოსფერი, მუქი მწვანეც, თუმცა პირადად მე არ მიყვარს ეს ფერი. ამასთანვე მოდურია საინტერესოდ გაკეთებული პრინტიანი ქსოვილები, ოღონდ ამაში მაისურზე მარტივად დატანილ პრინტს არ ვგულისმოხბ, თვითონ დაპრინტული ფაქტურაზე გესაუბრებით.
- შალთან ერთად სქელი ნაქსოვიც აქტუალური იყო...
- კი, მაგრამ მასობრივი გახდა, მოდა კი მუდმივად ახლის ძიებაშია. მე 5 წლის წინ მქონდა ჩვენება, რომელსაც ''ნაწნავი'' ერქვა და წარმოდგენილი იყო ნაქსოვი ჟაკეტები, რომელზეც ხელით იყო ნამუშევარი, ახლა კი ეს სქელი ნაქსოვი ნელ-ნელა დაკარგავს აქტუალობას.
- რაც შეეხება, გაზაფხულის ტენდენციებს, რისი მორგება იქნება ამ სეზოზნე კარგი?
- მე გაზახული-ზაფხულის კოლექცია უკვე გაკეთებული მაქვს, ჩემს ნამუშევრებში გამოვიყენე თხელი და სქელი ქსოვილების სინთეზი, მაგალითად ორგანზა და აბრეშუმი დაკავშირებული რაიმე სახის მყარ ფაქტურასთან, რაც ძალიან საინტერესო გამოვიდა. ზოგადად, ძალიან მიყვარს ფაქტურებზე მუშაობა. ფერების თვალსაზრისით ძირითადად თეთრსა და ლურჯზე შევაჩერე არჩევანი.
- როგორი სილეტია აქტუალური?
- ვფიქრობ, რომ გამოყვანილი და ''ტანთან ახლოს'' სილუეტი აქტუალურია ახლაც და შემდეგშიც ასე იქნება, წელის დაფიქსირება, გამოკვეთა ნამდვილად მოდურია. გარდა ამისა, ე.წ. ''ოვერსაიზი'' ანუ თავისუფალი ზედებიც მოდურია იმ შემთხვევაში, თუ მას გამოყვანილ ქვედაბოლოსთან მოირგებთ, ტოპებიც შემოვიდა აქტიურად, მაგრამ ეს სტილი ჩემგან ძალიან შორსაა.
- სტილის აღრევა, კლასიკური სამოსის ჩაცმა სპორტული დეტალებით მეტად მოდურია, თქვენ თუ ურჩევთ ჩვენს მკითხველს ასე ჩაცმას?
- კი, რადგან სტილის აღრევა ძალიან საინტერესოა, თუმცა აუცილებელია სამოსი ერთმანეთს ეხამებოდეს, შეიძლება გეცვას კლასიკური კაბა, მაგრამ მას შეუხამო სპორტული ფეხსაცმელი. უმჯობესია, თუ ფეხსაცმლით შეიტანთ სტილში ცვლილებას, თორემ სპორტული შარვალი რომ ჩაიცვათ და მას ძალიან კლასიკური ზედა შეურჩიოთ, ალბათ არ იქნება საინტერესო, ჯინსი და ზედა რომ გაცვია ისედაც სპორტულად ხარ და მეტი რაღა უნდა გააკეთო?!
- თუმცა, ხშირად იცვამენ ჯინსს ქუსლიან ფეხსამელთან, რაც მას გარკვეუწილად კლასიკურ იერს აძლევს.
- კი, მაგრამ პირადად მე არ მომწონს ჯინსი და ქუსლი ერთად, თუ მაინცდამაინც გინდათ ამის მორგება, მე გირჩევდით, რომ მაღალწელიან, ჩაჩაჩულ და ბოლოში აკეცილტოტიან ჯინსს შეუხამოთ ე.წ. ''ლოდაჩკები'', ან თუნდაც უბრალოდ ღია და ქუსლიანი ფეხსაცმელი.
- ზამთრის სეზონზე ბოტფორდები აშკარად ლიდერობდა, მაგრამ გაზაფხულზე როგორაა ამ მხრივ საქმე?
- კაცის ფეხსაცმლის მაგვარი ფეხსაცმელი, მაგალითად ''ჯექსონები'', ''მაკასინები'' იქნება მოდური, ასევე ესპადრელის ტიპის, ესპადრელის ძირზე შეკერილი ''ტუფლები'' (იმდენჯერ დავწერე ფეხსაცმელი, მრცხვენია უკვე....) წვეტიანი ცხვირი კი იმდენად კლასიკურია, რომ ეს ტენდნეციაც რჩება. ქუსლის თვალსაზრისით მოდურია როგორც ძალიან მაღალი ქუსლი, ასევე ძალიან დაბალი, მაგრამ წვრილი, ე.წ. გადაჭრილი ქუსლი.
- კაბის, ქვედაბოლოს და შარვლის ტენდენციებზე რას გვეტყვით..
- ყველაფერი მოხდენაზეა, მაგრამ ძირითადი ტენდენცია გვკარნახობს მაღალ წელს, ქვედაბოლოებში უფრო გამოყვანილი სტილი იქნება მოდური, თუმცა აქვე უნდა აღვნიშნო, რომ შემოდის ე.წ. ''ფენსილ'', გრძელი, ტანს მიყოლებული კაბები, რომელიმე - წინა, ან უკანა მხარეს შეხსნილით, შარვლების მხრივ ტოტი უფრო ფართოვდება, თუმცა აქაც საგულისხმოა წელის დაფიქსირება. საერთოდ, მე ვფიქრობ, რომ ყველანაირი სამოსის გალამაზება შეიძლება აქსესუარით, წელს კი უფრო ხის სამკაულები გახდა მოდური.
ციცი ომანიძე
ჟურნალი ''რეიტინგი''
- ამ სეზონზე აქტუალურია შავი ფერი, ასევე თეთრი კოსტუმები, ბორდოსფერი, მუქი მწვანეც, თუმცა პირადად მე არ მიყვარს ეს ფერი. ამასთანვე მოდურია საინტერესოდ გაკეთებული პრინტიანი ქსოვილები, ოღონდ ამაში მაისურზე მარტივად დატანილ პრინტს არ ვგულისმოხბ, თვითონ დაპრინტული ფაქტურაზე გესაუბრებით.
- შალთან ერთად სქელი ნაქსოვიც აქტუალური იყო...
- კი, მაგრამ მასობრივი გახდა, მოდა კი მუდმივად ახლის ძიებაშია. მე 5 წლის წინ მქონდა ჩვენება, რომელსაც ''ნაწნავი'' ერქვა და წარმოდგენილი იყო ნაქსოვი ჟაკეტები, რომელზეც ხელით იყო ნამუშევარი, ახლა კი ეს სქელი ნაქსოვი ნელ-ნელა დაკარგავს აქტუალობას.
- რაც შეეხება, გაზაფხულის ტენდენციებს, რისი მორგება იქნება ამ სეზოზნე კარგი?
- მე გაზახული-ზაფხულის კოლექცია უკვე გაკეთებული მაქვს, ჩემს ნამუშევრებში გამოვიყენე თხელი და სქელი ქსოვილების სინთეზი, მაგალითად ორგანზა და აბრეშუმი დაკავშირებული რაიმე სახის მყარ ფაქტურასთან, რაც ძალიან საინტერესო გამოვიდა. ზოგადად, ძალიან მიყვარს ფაქტურებზე მუშაობა. ფერების თვალსაზრისით ძირითადად თეთრსა და ლურჯზე შევაჩერე არჩევანი.
- როგორი სილეტია აქტუალური?
- ვფიქრობ, რომ გამოყვანილი და ''ტანთან ახლოს'' სილუეტი აქტუალურია ახლაც და შემდეგშიც ასე იქნება, წელის დაფიქსირება, გამოკვეთა ნამდვილად მოდურია. გარდა ამისა, ე.წ. ''ოვერსაიზი'' ანუ თავისუფალი ზედებიც მოდურია იმ შემთხვევაში, თუ მას გამოყვანილ ქვედაბოლოსთან მოირგებთ, ტოპებიც შემოვიდა აქტიურად, მაგრამ ეს სტილი ჩემგან ძალიან შორსაა.
- სტილის აღრევა, კლასიკური სამოსის ჩაცმა სპორტული დეტალებით მეტად მოდურია, თქვენ თუ ურჩევთ ჩვენს მკითხველს ასე ჩაცმას?
- კი, რადგან სტილის აღრევა ძალიან საინტერესოა, თუმცა აუცილებელია სამოსი ერთმანეთს ეხამებოდეს, შეიძლება გეცვას კლასიკური კაბა, მაგრამ მას შეუხამო სპორტული ფეხსაცმელი. უმჯობესია, თუ ფეხსაცმლით შეიტანთ სტილში ცვლილებას, თორემ სპორტული შარვალი რომ ჩაიცვათ და მას ძალიან კლასიკური ზედა შეურჩიოთ, ალბათ არ იქნება საინტერესო, ჯინსი და ზედა რომ გაცვია ისედაც სპორტულად ხარ და მეტი რაღა უნდა გააკეთო?!
- თუმცა, ხშირად იცვამენ ჯინსს ქუსლიან ფეხსამელთან, რაც მას გარკვეუწილად კლასიკურ იერს აძლევს.
- კი, მაგრამ პირადად მე არ მომწონს ჯინსი და ქუსლი ერთად, თუ მაინცდამაინც გინდათ ამის მორგება, მე გირჩევდით, რომ მაღალწელიან, ჩაჩაჩულ და ბოლოში აკეცილტოტიან ჯინსს შეუხამოთ ე.წ. ''ლოდაჩკები'', ან თუნდაც უბრალოდ ღია და ქუსლიანი ფეხსაცმელი.
- ზამთრის სეზონზე ბოტფორდები აშკარად ლიდერობდა, მაგრამ გაზაფხულზე როგორაა ამ მხრივ საქმე?
- კაცის ფეხსაცმლის მაგვარი ფეხსაცმელი, მაგალითად ''ჯექსონები'', ''მაკასინები'' იქნება მოდური, ასევე ესპადრელის ტიპის, ესპადრელის ძირზე შეკერილი ''ტუფლები'' (იმდენჯერ დავწერე ფეხსაცმელი, მრცხვენია უკვე....) წვეტიანი ცხვირი კი იმდენად კლასიკურია, რომ ეს ტენდნეციაც რჩება. ქუსლის თვალსაზრისით მოდურია როგორც ძალიან მაღალი ქუსლი, ასევე ძალიან დაბალი, მაგრამ წვრილი, ე.წ. გადაჭრილი ქუსლი.
- კაბის, ქვედაბოლოს და შარვლის ტენდენციებზე რას გვეტყვით..
- ყველაფერი მოხდენაზეა, მაგრამ ძირითადი ტენდენცია გვკარნახობს მაღალ წელს, ქვედაბოლოებში უფრო გამოყვანილი სტილი იქნება მოდური, თუმცა აქვე უნდა აღვნიშნო, რომ შემოდის ე.წ. ''ფენსილ'', გრძელი, ტანს მიყოლებული კაბები, რომელიმე - წინა, ან უკანა მხარეს შეხსნილით, შარვლების მხრივ ტოტი უფრო ფართოვდება, თუმცა აქაც საგულისხმოა წელის დაფიქსირება. საერთოდ, მე ვფიქრობ, რომ ყველანაირი სამოსის გალამაზება შეიძლება აქსესუარით, წელს კი უფრო ხის სამკაულები გახდა მოდური.
ციცი ომანიძე
ჟურნალი ''რეიტინგი''
