ყველაზე გრძელთმიანი ქალების სოფელი

ჩინეთში, სოფელ Huangluo-ში ყველა ქალს გრძელი თმა აქვს. სოფელში მცხოვრებ ადამიანებს წითელ იაოებს (Red Yao) უწოდებენ. წითელი ტრადიციული სამოსის გამო შეარქვეს. სოფელი გინესის რეკორდების წიგნში "მსოფლიოში ყველაზე გრძელთმიანი სოფლის" ტიტულითაა შესული. წლების მანძილზე Huangluo-ს მკვიდრი ქალებისთვის გარკვეული შეზღუდვები იყო დაწესებული: მათ საზოგადოებრივი თავშეყრის ადგილებში გრძელი თმის გაშლა და დავარცხნა ეკრძალებოდათ. ზაფხულიდან შემოდგომამდე ქალები ვალდებულნი იყვნენ, მდინარეზე წასულიყვნენ და თმა დაებანათ, მაგრამ ლურჯი ფერის თავსაბურავში უნდა დაემალათ. ქალის გრძელი თმის ნახვა მხოლოდ მომავალ ქმარს ქორწილის დღეს შეეძლო. თუმცა ეს წესები 1987 წლიდან აღარ მოქმედებს. დღეს უკვე ყველა ქალს აქვს უფლება, სხვების თანდასწრებით თმა დაივარცხნოს და თავი მოიწონოს.

ამ სოფელში მცხოვრებ ქალებს თმის შეჭრის უფლება ცხოვრებაში მხოლოდ ერთხელ, 16 წლის ასაკში აქვთ. ამის შემდეგ ნებას რთავენ, შეყვარებულის ძებნა დაიწყონ.