ხათუნა ლორიგი: ''ჯენიფერ ლოურენსი ამაყობს, რომ მისი მასწავლებელი ვიყავი''
1 829 ნახვა
ხათუნა ლორიგი-ქვრივიშვილის შესახებ ამერიკაში უფრო მეტი იციან, ვიდრე საქართველოში. არადა, მისი სპორტული კარიერა სწორედ საქართველოში დაიწყო. დღეს შეერთებულ შტატებში ცხოვრობს და წარმატებული მშვილდოსანია, ოლიმპიური და მსოფლიო ჩემპიონატების პრიზიორი, მწვრთნელი.
ფართო მასებმა კი საქართველოში მის შესახებ მხოლოდ მას მერე შეიტყვეს, რაც გაირკვა, რომ ''შიმშილის თამაშებში'' მონაწილე ვარსკვლავი ჯენიფერ ლოურენსი სწორედ ხათუნამ მოამზადა გადაღებებისთვის და მშვილდისრის მოხმარება ასწავლა.
ამ ფაქტის შემდეგ ქართველ სპორტსმენს აქტიურად ეპატიჟებიან ''ოქროს გლობუსისა'' და ''ოსკარის'' დაჯილდოებებზე, მასზე ამზადებენ ტელეგადაცემებს. ამჯერადაც მიიწვიეს და, სავარაუდოდ, ''ოსკარის'' დაჯილდოებაზე სტუმრებს შორის ვიხილავთ.
ასევე აქტიურად ემზადება ოლიმპიადისთვის და ამერიკაში ოლიმპიურ სოფელში ვარჯიშობს.
ხათუნა 1974 წელს დაიბადა თბილისში. როგორც თავად ჰყვება სხვადასხვა ინტერვიუში, მშვილდოსნობით, სრულიად შემთხვევით, მეექვსე კლასში დაინტერესდა. კლასში შევიდნენ და იკითხეს, ვინმე თუ დაიწყებდა მშვილდოსნობაში ვარჯიშს.
იმდენად ეზარებოდა თურმე გაკვეთილებზე სიარული, მაშინვე ხელი ასწია. მას მერე აქტიურად ვარჯიშობდა, პირველობისკენ სწრაფვა ეხმარებოდა, მართლა ყოველთვის პირველი ყოფილიყო.
მალე მოხვდა საქართველოს ნაკრებში, გამოდიოდა საბჭოთა კავშირის ნაკრებში. თუმცა საბჭოთა კავშირის დაშლის შემდეგ, მისივე თქმით, ეს სპორტი საქართველოში არავის აინტერესებდა. ამიტომაც, 21 წლისა, 1990-იან წლებში, შეერთებულ შტატებში წავიდა.
მას მერე კალიფორნიაში ცხოვრობს, ამერიკის ოლიმპიურ ნაკრებში ირიცხება, წარმატებული მწვრთნელია. ერთი შვილი ჰყავს, რომელიც ასევე მისდევს მშვილდოსნობას.
რაც შეეხება ჯენიფერ ლოურენსთან ურთიერთობას, ხათუნა ამბობს, რომ ჰოლივუდის ვარსკვლავი ძალიან კარგი მოწაფე აღმოჩნდა. როგორც ერთ-ერთ რუს ჟურნალისტთან აღიარა:
- ჯენიფერი სწრაფად სწავლობდა და კარგი მსმენელი იყო. ძალიან მხიარულია და ყოველდღე სულ უფრო მეტად მიიოლდებოდა მასთან მუშაობა. კარგად თამაშობს.
- ამაყი იყავით, როცა ფილმში ნახეთ ის და თქვენი ნამუშევარი?
- დიახ და ეს უცნაურიც იყო, რადგან გამუდმებით ვფიქრობდი: ''ეი, ეს ხომ მე ვასწავლე''.
- რაიმე სახალისო მომენტები თუ გქონიათ ერთად მუშაობის დროს?
- ვაპირებდი მეთქვა, რომ როცა ფილმში ვნახე, მინდოდა, ყველას გაეგო: ''ეს ჩემი მოსწავლეა!'', თუმცა მან დამასწრო და მითხრა, რომ როდესაც ოლიმპიადის მონაწილეთა სიაში მნახა, ყველას ეუბნებოდა: ''ეს ჩემი მასწავლებელია!'' მართლა მხიარულად ვატარებდით დროს და ბევრს ვიცინოდით.
- ''შიმშილის თამაშების'' წყალობით, მშვილდოსნობა უფრო პოპულარული გახდა...
- ეს ძალიან დიდი მიღწევაა. ამ ფილმის კმაყოფილი ვარ ამის გამო. მაყურებელს უყვარს მშვილდისრით სროლისთვის თვალის დევნება, რადგან ეს უნიკალური სპორტის სახეობაა. ასაკს, სიმაღლესა და სქესს არ აქვს მნიშვნელობა. საჭიროა მხოლოდ უნარ-ჩვევები და კარგია, რომ ნებისმიერ ადგილას შეიძლება აიღო მშვილდისარი და ისროლო, არ არის საჭირო ნებართვა, რომ წახვიდე და თუნდაც ტირში ისროლო.
ჟურნალი ''რეიტინგი''
ფართო მასებმა კი საქართველოში მის შესახებ მხოლოდ მას მერე შეიტყვეს, რაც გაირკვა, რომ ''შიმშილის თამაშებში'' მონაწილე ვარსკვლავი ჯენიფერ ლოურენსი სწორედ ხათუნამ მოამზადა გადაღებებისთვის და მშვილდისრის მოხმარება ასწავლა.
ამ ფაქტის შემდეგ ქართველ სპორტსმენს აქტიურად ეპატიჟებიან ''ოქროს გლობუსისა'' და ''ოსკარის'' დაჯილდოებებზე, მასზე ამზადებენ ტელეგადაცემებს. ამჯერადაც მიიწვიეს და, სავარაუდოდ, ''ოსკარის'' დაჯილდოებაზე სტუმრებს შორის ვიხილავთ.
ასევე აქტიურად ემზადება ოლიმპიადისთვის და ამერიკაში ოლიმპიურ სოფელში ვარჯიშობს.
ხათუნა 1974 წელს დაიბადა თბილისში. როგორც თავად ჰყვება სხვადასხვა ინტერვიუში, მშვილდოსნობით, სრულიად შემთხვევით, მეექვსე კლასში დაინტერესდა. კლასში შევიდნენ და იკითხეს, ვინმე თუ დაიწყებდა მშვილდოსნობაში ვარჯიშს.
იმდენად ეზარებოდა თურმე გაკვეთილებზე სიარული, მაშინვე ხელი ასწია. მას მერე აქტიურად ვარჯიშობდა, პირველობისკენ სწრაფვა ეხმარებოდა, მართლა ყოველთვის პირველი ყოფილიყო.
მალე მოხვდა საქართველოს ნაკრებში, გამოდიოდა საბჭოთა კავშირის ნაკრებში. თუმცა საბჭოთა კავშირის დაშლის შემდეგ, მისივე თქმით, ეს სპორტი საქართველოში არავის აინტერესებდა. ამიტომაც, 21 წლისა, 1990-იან წლებში, შეერთებულ შტატებში წავიდა.
მას მერე კალიფორნიაში ცხოვრობს, ამერიკის ოლიმპიურ ნაკრებში ირიცხება, წარმატებული მწვრთნელია. ერთი შვილი ჰყავს, რომელიც ასევე მისდევს მშვილდოსნობას.
რაც შეეხება ჯენიფერ ლოურენსთან ურთიერთობას, ხათუნა ამბობს, რომ ჰოლივუდის ვარსკვლავი ძალიან კარგი მოწაფე აღმოჩნდა. როგორც ერთ-ერთ რუს ჟურნალისტთან აღიარა:
- ჯენიფერი სწრაფად სწავლობდა და კარგი მსმენელი იყო. ძალიან მხიარულია და ყოველდღე სულ უფრო მეტად მიიოლდებოდა მასთან მუშაობა. კარგად თამაშობს.
- ამაყი იყავით, როცა ფილმში ნახეთ ის და თქვენი ნამუშევარი?
- დიახ და ეს უცნაურიც იყო, რადგან გამუდმებით ვფიქრობდი: ''ეი, ეს ხომ მე ვასწავლე''.
- რაიმე სახალისო მომენტები თუ გქონიათ ერთად მუშაობის დროს?
- ვაპირებდი მეთქვა, რომ როცა ფილმში ვნახე, მინდოდა, ყველას გაეგო: ''ეს ჩემი მოსწავლეა!'', თუმცა მან დამასწრო და მითხრა, რომ როდესაც ოლიმპიადის მონაწილეთა სიაში მნახა, ყველას ეუბნებოდა: ''ეს ჩემი მასწავლებელია!'' მართლა მხიარულად ვატარებდით დროს და ბევრს ვიცინოდით.
- ''შიმშილის თამაშების'' წყალობით, მშვილდოსნობა უფრო პოპულარული გახდა...
- ეს ძალიან დიდი მიღწევაა. ამ ფილმის კმაყოფილი ვარ ამის გამო. მაყურებელს უყვარს მშვილდისრით სროლისთვის თვალის დევნება, რადგან ეს უნიკალური სპორტის სახეობაა. ასაკს, სიმაღლესა და სქესს არ აქვს მნიშვნელობა. საჭიროა მხოლოდ უნარ-ჩვევები და კარგია, რომ ნებისმიერ ადგილას შეიძლება აიღო მშვილდისარი და ისროლო, არ არის საჭირო ნებართვა, რომ წახვიდე და თუნდაც ტირში ისროლო.
ჟურნალი ''რეიტინგი''
