უმძიმეს მდგომარეობაში მყოფი ჟანა ფრისკე ნიუ იორკში მკურნალობს + ვიდეო

ინტერნეტსივრცეში პოპულარული რუსი მომღერლის ჟანა ფრისკეს ავადმყოფობის ამსახველი კადრები გავრცელდა. პაპარაცულად გადაღებულ კადრებში კარგად ჩანს, რომ მომღერალი ავადმყოფობის გამო საკმაოდ შეცვლილი და დასუსტებულია.
ცოტა ხნის წინ, ტელეკომპანია LifeNews-მა კადრებიაჩვენა, სადაც მძიმე მდგომარეობაში მყოფ ფრისკეს სამკურნალოდ გერმანიაში აგზავნიდნენ. ახლა მომღერალს ნიუ იორკის საუკეთესო ონკოლოგიურ ცენტრში Memorial Sloan-Kettering-ში მკურნალობენ.

მასთან ერთად არიან მისი მეუღლე დიმიტრი შეპელევი და მეგობარი, ჯგუფ Блестящие-ს ყოფილი სოლისტი ოლგა ორლოვა. სულ ახლახანს გავრცელებულ კადრებში ჩანს, თუ როგორ გადაჰყავთ მათ ფრისკე კლინიკაში, სადაც მას ამბოლატორიული მკურნალობა და ქიმიოთრაპია უტარდება.

შეგახსენებთ, რომ ჟანა ფრისკეთავის ტვინის კიბოთია დაავადებული. მძიმე ავადმყოფობა მას ჯერ კიდევ ფეხმძიმობის დროს დაუდგინეს, მაგრამ მომღერალმა მაშინ მკურნალობა იმ მიზნით არ დაიწყო, რომ ბავშვისთვის ზიანი არ მიეყენებინა. ფრისკეს ოჯახი მის ავადმყოფობას დიდი ხნის მანძილზე მალავდა. თავდაპირველად ფრისკეს წარმომადგენლები უარყოფდნენ, რომ მომღერალი ავად იყო.

მოგვიანებით მისი ავადმყოფობის შესახებ ინფორმაცია მისმა მეუღლემ დიმიტრი შეპელევმა დაადასტურა. მომღერალს კიბოს მეოთხე სტადია აქვს, თუმცა ექიმები ამბობენ, რომ ქიმიო-თერაპია შველის.ოჯახმა მკურნალობის ხარჯების დასაფარად უკვე დახარჯა მთელი თავისი დანაზოგი. შეპელევმა მაიამიში მდებარე თავისი სახლიც კი გაყიდა, მაგრამ თანხები მაინც არ ყოფნიდათ.

"რუსფონდ"-მა მომღერლის მკურნალობის ხარჯების დასაფარად ორგანიზება გაუკეთა თანხების შეგროვებას. რამდენიმე დღეში ხალხმა დაახლოებით 67 მილიონი რუბლი ჩარიცხეს. ფრისკეს მკურნალობას ამ თანხის ნახევარიც ყოფნის, ხოლო დანარჩენი თანხა მომღერლის გადაწყვეტილებით მძიმედ დაავადებული ბავშვების მკურნალობას მოხმარდება.

ფრისკეს არა მარტო რუსეთში უთანაგრძნობენ. ოზი ოზბორნის ცოლმა შერონმა, რომელმაც თავად დაამარცხა სიმსივნე, ჟანას მხარდამჭერი სიტყვებით მიმართა:
"გამარჯობა ჟანა, მე შერონ ოზბორნი ვარ. მე ვიცი შენი ისტორია, მე და ჩემი ქმარი ოზი მოსკოვში 1 ივნისს ვიქნებით და ჩვენ შენთან გვინდა შეხვედრა. მანამდე მინდა, რომ მკურნალობისთის ფული გამოგიგზავნო. იმედი მაქვს შენამ ვიდეოს შენს საიტზე განთავსებას შეძლებ, რათა სხვა ხალხმაც გაიგოს როგორ იბრძვი შენ შენი სიცოცხლისთვის.

ვინც ამ ვიდეოს უყურებთ, არ აქვს მნიშვნელობა ვის რამდენი გაქვთ, შეგიძლიათ რაღაც მაინც გამოაგზავნოთ. თქვენ შეგიძლიათ გადაარჩინოთ მისი სიცოცხლე,დაეხმარეთ მას და ღმერთი გადაგიხდით ამ სიკეთისთის",- ამბობს ქალბატონი ოზბორნი.