„70-იანი წლების შემდეგ მოდა გაიყინა...“
2 451 ნახვა
დიზაინერ მარინა ხორავას თავის სტუდია-სახელოსნოში შევხვდით, სადაც ის სტუდენტებიც დაგვხვდნენ, რომელთაც იმ დღეს ლექცია ჰქონდათ. მაია ნიკოლაძემ და ირმა ციქუბაძემ საკუთარი ნამუშევრების შესახებ თავადვე გვიამბეს, არასაპალტოე ნაჭრებით შექმნილი პალტოები, სხვადასხვა ქსოვილის სინთეზი და კონტრასტული ფერების შერწყმა, ეს ის დეტალებია, რაც მათ კოსტიუმებს სხვებისგან გამოარჩევს.… იქვე ვნახეთ ნინკა კაციტაძის გრაფიკული დიზაინი. მართალია, ჩვენი რესპონდენტის ამჟამინდელი საქმიანობა ძირითადად სტუდიაში სტუდენტებთან მუშაობით შემოიფარგლება, მაგრამ მარინა ხორავამ „რეიტინგს“ რჩევები თანამედროვე ტენდენციების შესახებაც მისცა...
- ეს პალტოები ჩემმა სტუდენტებმა ჩემი ჩარევის გარეშე შექმნეს. ჩვენ ერთად ვცდილობთ, დავარღვიოთ წესები. რაც უფრო ამოვარდნილია სამოსი ჩარჩოები-დან და „უწესოა“, მით უფრო საინტერესოა, სწორედ ამიტომ გამოვიდა ჩემი გოგონების კოსტიუმები საინტერესო. როგორც ხედავთ, ძირითადად პასტელური ფერები აქვთ გამოყენებული, მაქმანი, ხელით ნაქარგი და ბეწვი ერთმანეთთანაა დაკავშირებული, ფერები კი კონტრასტულია, თუმცა ამოვარდნა არ იგრძნობა.
- წლევანდელი ცივი სეზონის ტენდენციებზე, ფერებზე რას გვეტყვით?
- ჩემთვის მისაღებია ყველა ფერი - თეთრიდან დაწყებული შავით დამთავრებული, მთავარია, ის სწორად იყოს შერჩეული, სამოსის ტონალობა მომგებიანია მაშინ, როცა ის ადამიანს უხდება. დიზაინში ფერს ძალიან დიდი მნიშვნელობა აქვს, მე მუშაობას სწორედ ამ საკითხიდან ვიწყებ, ვარჩევ ფერს და მერე ვქმნი დიზაინს. შეიძლება, ყვითელი პალტო არ იყოს მოდური, მაგრამ იმდენად ეფექტურმა ქალმა ჩაიცვას, რომ ის სამოსი აქტუალურად გეჩვენოთ.
დღეს მოდაშია ყველაფერი, ნებისმიერი სილუეტი. 50-60-70-იან წლებში, ყოველ ათ წელიწადში ერთხელ მოდა რადიკალურად იცვლებოდა, 70-იანი წლების შემდეგ კი გაიყინა და ყველაფერი მოდური გახდა, მოდა აღარ იქმნება, უბრალოდ ვხვდებით დეტალების ვარიაციას. ამიტომ მოდის საკითხში ჩემთვის მნიშვნელოვანია ფერი და სილუეტი. სადა სამოსის მომხრე ვარ, ზედმეტად ჩადგმული და გაფორმებული კოსტიუმი არაპროფესიონალურად მიმაჩნია. სადა სამოსის შემთხვევაში შეგიძლია, აქსესუარების დიდი რაოდენობა გამოიყენო და ამით უფრო ეფექტური გახდე.
პირადად მე აქტუალურად აღარ მიმაჩნია ტანზე ძალიან მომდგარი პალტო, ახლა მოდურია საშუალო სიგრძის, თავისუფალი ფორმის ქვევით ოდნავ ჩავიწროებული სილუეტი, გაწყობილი კონტრასტული ბეწვით. ვთქვათ, გვაქვს პასტელური ტო-ნალობის ღია ნარინჯისფერი პალტო, მას დავამშვენებდი ღია ცისფერი ან შაბიამნისფერი ბეწვით, ჩემთვის სასურველი იქნებოდა, ეს ბეწვი ხელოვნური ყოფილიყო, რადგან ეს უფრო მოდურად და ახალგაზრდულად მიმაჩნია. ცისფერ პალტოს კი გავუკეთებდი ჭუჭყიანი ვარდისფერი ტონალობის ბეწვს. მომწონს გიპიურის პალტო, რომელსაც დახეულ ჯინსთანაც კი ჩავიცვამდი, ოღონდ ეს უნდა იყოს პასტელური ტონალობის.
ეკლექტიკის მომხრე ვარ, ჩამოყალიბებული სტილი, მაგალითად, კლასიკური, სპორტული, ჩემთვის ძალიან მოსაწყენია. როგორც ზემოთ აღვნიშნე, მოდას ქმნიან ტიპაჟები, ამიტომ უნდა ჩაიცვათ ის, რაც გიხდებათ და არა ის, რაც მოდაშია. თუ რამე ახალი შემოდის, ერთ კვირაში ხდება უნიფორმა, აცვია ყველას, ვისაც უხდება და არ უხდება, რაც არასწორია. ქართველ ხალხს ვურჩევდი, რომ ვიზუალი დაიხვეწონ, ამაში არ ვგულისხმობ გარეგნობას, ამაზე საუბარი ჩემთვის ძალიან დაბალი ტონია, უბრალოდ თავის მოვლაზე მინდა აქცენტის გაკეთება, მოვლილ ქალს კი ბევრი რამის მორგება შეუძლია. იმისთვის, თუ რა კოსტიუმი უნდა მოირგონ, დიზაინერებს მიმართონ. მაგალითად, ჩემთან კონსულტაცია უფასოა.
- ქალბატონო მარინა, როგორი ფეხსაცმელია მოდური?
- ფეხსაცმელი და საათი - მეტად დელიკატური საკითხია. მაგალითად, მე ამ ორი ნივთის მეშვეობით შემიძლია ადამიანის ამოცნობა, ბრენდებზე არ ვამახვილებ ყურადღებას, უფრო სტილზე გადამაქვს აქცენტი. ქუსლიანი ფეხსაცმელი უნდა ჩაიცვას და ფეხი უნდა გამოაჩინოს მან, ვისაც ის ლამაზი აქვს. თქვენი გარეგნო-ბიდან, ამ შემთხვევაში კი ფეხებიდან გამომდინარე, „მაღალი“ ფეხსაცმელი ისე უნდა მოირგოთ, რომ თქვენს დადებით მხარეს გაუსვათ ხაზი და არა უარყოფითს. ბევრი ქალი სხვადასხვა ფორმაში მინახავს, ზაფხულში, ზღვაზე და მათ გარეგნობას ჩემზე არანაირი შთაბეჭდილება არ მოუხდენია, მაგრამ როდესაც მომეცა საშუალება, მენახა ისინი ჭკვიანურად ჩაცმულნი, მაშინ ნამდვილად დასამახსოვრებლები აღმოჩნდნენ. საზოგადოებისთვის თავის ლამაზად მიწოდება ცალკე პროფესიონალიზმი და ცალკე ნიჭია.
ციცი ომანიძე
ჟურნალი „რეიტინგი“
- ეს პალტოები ჩემმა სტუდენტებმა ჩემი ჩარევის გარეშე შექმნეს. ჩვენ ერთად ვცდილობთ, დავარღვიოთ წესები. რაც უფრო ამოვარდნილია სამოსი ჩარჩოები-დან და „უწესოა“, მით უფრო საინტერესოა, სწორედ ამიტომ გამოვიდა ჩემი გოგონების კოსტიუმები საინტერესო. როგორც ხედავთ, ძირითადად პასტელური ფერები აქვთ გამოყენებული, მაქმანი, ხელით ნაქარგი და ბეწვი ერთმანეთთანაა დაკავშირებული, ფერები კი კონტრასტულია, თუმცა ამოვარდნა არ იგრძნობა.
- წლევანდელი ცივი სეზონის ტენდენციებზე, ფერებზე რას გვეტყვით?
- ჩემთვის მისაღებია ყველა ფერი - თეთრიდან დაწყებული შავით დამთავრებული, მთავარია, ის სწორად იყოს შერჩეული, სამოსის ტონალობა მომგებიანია მაშინ, როცა ის ადამიანს უხდება. დიზაინში ფერს ძალიან დიდი მნიშვნელობა აქვს, მე მუშაობას სწორედ ამ საკითხიდან ვიწყებ, ვარჩევ ფერს და მერე ვქმნი დიზაინს. შეიძლება, ყვითელი პალტო არ იყოს მოდური, მაგრამ იმდენად ეფექტურმა ქალმა ჩაიცვას, რომ ის სამოსი აქტუალურად გეჩვენოთ.
დღეს მოდაშია ყველაფერი, ნებისმიერი სილუეტი. 50-60-70-იან წლებში, ყოველ ათ წელიწადში ერთხელ მოდა რადიკალურად იცვლებოდა, 70-იანი წლების შემდეგ კი გაიყინა და ყველაფერი მოდური გახდა, მოდა აღარ იქმნება, უბრალოდ ვხვდებით დეტალების ვარიაციას. ამიტომ მოდის საკითხში ჩემთვის მნიშვნელოვანია ფერი და სილუეტი. სადა სამოსის მომხრე ვარ, ზედმეტად ჩადგმული და გაფორმებული კოსტიუმი არაპროფესიონალურად მიმაჩნია. სადა სამოსის შემთხვევაში შეგიძლია, აქსესუარების დიდი რაოდენობა გამოიყენო და ამით უფრო ეფექტური გახდე.
პირადად მე აქტუალურად აღარ მიმაჩნია ტანზე ძალიან მომდგარი პალტო, ახლა მოდურია საშუალო სიგრძის, თავისუფალი ფორმის ქვევით ოდნავ ჩავიწროებული სილუეტი, გაწყობილი კონტრასტული ბეწვით. ვთქვათ, გვაქვს პასტელური ტო-ნალობის ღია ნარინჯისფერი პალტო, მას დავამშვენებდი ღია ცისფერი ან შაბიამნისფერი ბეწვით, ჩემთვის სასურველი იქნებოდა, ეს ბეწვი ხელოვნური ყოფილიყო, რადგან ეს უფრო მოდურად და ახალგაზრდულად მიმაჩნია. ცისფერ პალტოს კი გავუკეთებდი ჭუჭყიანი ვარდისფერი ტონალობის ბეწვს. მომწონს გიპიურის პალტო, რომელსაც დახეულ ჯინსთანაც კი ჩავიცვამდი, ოღონდ ეს უნდა იყოს პასტელური ტონალობის.
ეკლექტიკის მომხრე ვარ, ჩამოყალიბებული სტილი, მაგალითად, კლასიკური, სპორტული, ჩემთვის ძალიან მოსაწყენია. როგორც ზემოთ აღვნიშნე, მოდას ქმნიან ტიპაჟები, ამიტომ უნდა ჩაიცვათ ის, რაც გიხდებათ და არა ის, რაც მოდაშია. თუ რამე ახალი შემოდის, ერთ კვირაში ხდება უნიფორმა, აცვია ყველას, ვისაც უხდება და არ უხდება, რაც არასწორია. ქართველ ხალხს ვურჩევდი, რომ ვიზუალი დაიხვეწონ, ამაში არ ვგულისხმობ გარეგნობას, ამაზე საუბარი ჩემთვის ძალიან დაბალი ტონია, უბრალოდ თავის მოვლაზე მინდა აქცენტის გაკეთება, მოვლილ ქალს კი ბევრი რამის მორგება შეუძლია. იმისთვის, თუ რა კოსტიუმი უნდა მოირგონ, დიზაინერებს მიმართონ. მაგალითად, ჩემთან კონსულტაცია უფასოა.
- ქალბატონო მარინა, როგორი ფეხსაცმელია მოდური?
- ფეხსაცმელი და საათი - მეტად დელიკატური საკითხია. მაგალითად, მე ამ ორი ნივთის მეშვეობით შემიძლია ადამიანის ამოცნობა, ბრენდებზე არ ვამახვილებ ყურადღებას, უფრო სტილზე გადამაქვს აქცენტი. ქუსლიანი ფეხსაცმელი უნდა ჩაიცვას და ფეხი უნდა გამოაჩინოს მან, ვისაც ის ლამაზი აქვს. თქვენი გარეგნო-ბიდან, ამ შემთხვევაში კი ფეხებიდან გამომდინარე, „მაღალი“ ფეხსაცმელი ისე უნდა მოირგოთ, რომ თქვენს დადებით მხარეს გაუსვათ ხაზი და არა უარყოფითს. ბევრი ქალი სხვადასხვა ფორმაში მინახავს, ზაფხულში, ზღვაზე და მათ გარეგნობას ჩემზე არანაირი შთაბეჭდილება არ მოუხდენია, მაგრამ როდესაც მომეცა საშუალება, მენახა ისინი ჭკვიანურად ჩაცმულნი, მაშინ ნამდვილად დასამახსოვრებლები აღმოჩნდნენ. საზოგადოებისთვის თავის ლამაზად მიწოდება ცალკე პროფესიონალიზმი და ცალკე ნიჭია.
ციცი ომანიძე
ჟურნალი „რეიტინგი“
