ია ფარულავა გია სურამელაშვილმა გააბრაზა - ''მამა, შეგეშალა''...

გადაცემა ''პროფილის'' ხუთშაბათის ანონსში ერთ-ერთი მთავარი თემა – გია სურამელაშვილის დაბადების დღეა. გიას მეგობრები, ახლობლები და უბრალოდ ნათესავები, რესტორანში შეკრებილან და მხიარულობენ.

გიას ირგვლივ მხიარულობა აღარავის უკვირს, მაგრამ სტუმრებს შორის რამდენიმე ნაცნობი სახეც აღმოვაჩინეთ. მათ შორის არიან მსახიობი ია ფარულავა და ექიმი და ტელეწამყვანი ოთარ ტატიშვილი.

ოთარ ტატიშვილი გიას სავარაუდოდ ''ცეკვავენ ვარსკვლავების'' მიმდინარეობისას დაუმეგობრდა. რაც შეეხება იას, ისინი უფრო დიდი ხნის ნაცნობები არიან.

ამ ამბავში უჩვეულო არაფერი იქნებოდა, რომ არა ია ფარულავას სტატუსი. როგორც აღმოჩნდა, მსახიობს წარმოდგენა არ ჰქონდა, რომ ვიდეოს სპეციალურად გადაცემა ''პროფილისთვის'' იღებდნენ.

ანონსის ნახვის შემდეგ, იამ ''ფეისბუქის'' საკუთარ გვერდზე შემდეგი შინაარსის სტატუსი გამოაქვეყნა და გია სურამელაშვილს მიმართა: ''დაბადების დღეზე რომ გეპატიჟებიან, არ უნდა უთხრა სტუმარს, რომ გადაცემისთვის იღებს მასალას? მამა, შეგეშალა''...

მართალია, სტატუსს სურამელაშვილი არ გამოხმაურებია, მაგრამ იას ვირტუალური მეგობრები სთხოვდნენ, რომ არ ედარდა ამ ამბავზე.

''პროფილში'' ვნახე ანონსში ჩემი თავი და გამოვშტერდი'' _ წერს ია და მწერალ ლია ბედოშვილს მიმართავს _ ''ეს რა გაგიკეთე, ნეტა დაღუპული ბიჭების სადღეგრძელოს თუ დატოვებდა მაია. მთელი დარბაზი რომ ააყენე ფეხზე''.

სოციალური ქსელის მომხმარებლების თხოვნაზე, რომ იამ ეს ამბავი გაატაროს, მსახიობი მეუღლე ტარიელ სუარი გამოეხმაურა:

''საკმარისად გაატარა, ყველაფერს აქვს საზღვარი, უსინდისობას და ნამუსგარეცხილობასაც. ვისთვის პრობლემაა და ვისთვის არა. იმედი მაქვს, კადრების ნახვის შემდეგ ვიღაცის დედის ტყ... არ მომიწევს''...

სალომე დადიანი
სპეციალურად ''რეიტინგის'' საიტისთვის