ხმაური ახალი სეზონის წინ - ნანუკა ჟორჟოლიანს მაია ასათიანის ახალი იმიჯი "ღადავი" ჰგონია
"ან ეს ღადავია, ან შემომაპარეთ, ლაბრადორიც თუ არის და როსტოც გადაცემაში", - დაპოსტა დღეს დილით ნანუკა ჟორჟოლიანმა "ფეისბუქის" საკუთარ გვერდზე.
ამ განცხადების მიზეზი გაზეთ "პრაიმ ტაიმში" გამოქვეყნებული მაია ასათიანის ფოტო გახდა, სადაც ცნობილ წამყვანს ჯინსის მოკლე კომბინეზონი აცვია და აცხადებს, რომ ახალ სეზონში სწორედ ამ ფორმაში მოგვევლინება ეთერში.
როსტო მაშინვე შეეცადა ნანუკას დამშვიდებას და კომენტარებში დაწერა, რომ იგი არსად წასვლას არ აპირებს, ყოველ შემთხვევაში, ჯერჯერობით, მაგრამ ნანუკას დამშვიდება მაინც ვერ შეძლო - "ვის უნდა მოეყოლა, რომ დამეჯერებინა:DDD მე შემიძლია მისამართები მივცე, სად იყიდება კარგი დახეული ჯინსები", - წერს ჟორჟოლიანი.
ახალ სეზონში "პროფილის" დიზაინერი კვლავ ავთო ცქვიტინიძე იქნება, რომელიც გრანდიოზულ მაღაზიას ხსნის, სადაც ყოველდღიური სამოსის ახალ ხაზს გაყიდის. როგორც ჩანს, ავთანდილის ახალი ხაზის განვითარება მაიას "პროფილზეც" აისახება.
