''ნანი ნატალიას მიმართ ბევრად უფრო დნება, ვიდრე ჩემ მიმართ...''
1 424 ნახვა
მიუხედავად იმისა, რომ მომღერალი ეკა მამალაძე ახლაც ამბობს, დღემდე დედაჩემის, ნანი ბრეგვაძის ჩრდილქვეშ ვარო, მაინც მოახერხა და საკუთარი სიტყვა თქვა ქართულ ესტრადაზე. დღეს მისი ქალიშვილი ნატალია ქუთათელაძე საოპერო განხრით სწავლობს, უფროს თაობას უხარია მისი ასეთი გადაწყვეტილება, მეტიც, თურმე ქალბატონი ნანის ოცნება ოპერის მომღერლობა ყოფილა.
ეკა მამალაძეს ოჯახურ ურთიერთობებსა და სამორი ბალდესთან ერთად ჩაწერილ დუეტზე ვესაუბრეთ.
- გასული წლით კმაყოფილი ვარ. ჩემს ცხოვრებაში არანაირი ექსცესები არ ყოფილა, არაფერი ცუდი არ მომხდარა, ნატალიკოს წარმატებები ჰქონდა, დაამთავრა კონსერვატორიის ბაკალავრიატი და ჩააბარა მაგისტრატურაში.
- ახალი წლის ღამეს შეასრულეთ დუეტი სამორი ბალდესა და ''The Bearfox''-თან ერთად, საიდან დაიბადა სიმღერის ამ ვარიანტით შესრულების იდეა?
- სამი წლის წინ მივიღე მონაწილეობა აჩიკო გულედანის მიერ ორგანიზებულ ფესტივალში, სადაც კოკა ნიკოლაძესა და ''The Forest''-თან ერთად სწორედ ამ ინტერპრეტაციით შევასრულე ეს სიმღერა. როდესაც აჩიკო საახალწლო კონცერტს ამზადებდა და ფიქრობდა, მონაწილეებს სხვადასხვა ჟანრის სიმღერები შეესრულებინათ, გაახსენდა ''ის აქ არის'' ეს ვერსია და გადაწყვიტა, კონცერტზე სამორისა და ''The Bearfox''-ის წევრებთან, ირაკლი მანჩხაშვილსა და მერაბ ნუცუბიძესთან ერთად შემესრულებინა. ყოველთვის მიხარია ახალგაზრდებთან მუშაობა, სამორის მიმართ სიმპათიით ვიყავი განმსჭვალული და ვფიქრობ, კარგი ნომერი გამოგვივიდა.
- სამორის მანამდე თუ იცნობდით?
- შორიდან, გამარჯობისა და მოკითხვის დონეზე. როცა ''იმედში'' მიწევდა მისვლა, იქ ვხვდებოდი ხოლმე.
- როგორი იყო მასთან მუშაობის პროცესი?
- გაგეცინება, მაგრამ სამორი კონცერტამდე მხოლოდ ორჯერ ვნახე, ჩვენ ცალ-ცალკე ჩავწერეთ სიმღერა, მე ჩემი პარტია ჩავწერე, მან და ''თჰე Bეარფოხ''-მა დამოუკიდებლად იმუშავეს, მერე ეს ყველაფერი გააერთიანეს, ერთმანეთს კი გენერალურ რეპეტიციაზე ორჯერ შევხვდით.
- როგორ შეაფასა ქალბატონმა ნანიმ თქვენი ერთობლივი ნამუშევარი?
- დედაჩემს ექსპერიმენტების არასდროს ეშინოდა, ოღონდ ამ საკითხში დიდი სიფრთხილეა საჭირო, ოდნავაც რომ შეგეშალოს რამე, უკვე დიდ დაბრკოლებებს წააწყდები. დედა თავადაც არ ერიდებოდა მსგავს რისკზე წასვლას, გახსოვთ, ირაკლი ჩარკვიანთან ერთად რომ იმღერა ''მანას'' დაჯილდოებაზე? გრძნობდა ირაკლის პოტენციალს, ნიჭს, განსხვავებულობას და ამიტომ წავიდა ამაზე.
- შინაგანი ალღო, ინტუიცია თუ გკარნახობთ წარმატებას ან წარუმატებლობას, თუნდაც საქმეში?
- კი, აბა, როგორ.. ესეც ნიჭია, რომ გქონდეს ხედვა, გაამართლებს თუ არა შენი ნამოქმედარი, ეს გარკვეულწილად გამოცდილებასაც მოაქვს. დღეს ცხოვრების რიტმი ძალიან აჩქარდა, ახალგაზრდებს შეიძლება, იმდენი გამოცდილება არ გქონდეთ, მაგრამ ბევრი შრომით შესაძლებელია, მიაღწიოთ სასურველ შედეგს.
- რაც შეეხება ზოგად ფონს ქართულ ესტრადაზე... როგორ შეაფასებდით?
- მომღერალს რაც უფრო მეტად დააკავებ და მეტ საქმეს მისცემ, ბედნიერებაა. კარგია, თუ ნაკლებად იქნება ერთმანეთის დაჭმა და ყველა ჩვენს საქმეს გავაკეთებთ. ყველა სფეროს ახლავს პრობლემები, ჩვენ შემთხვევაშიც ასეა და მგონი, ეს აღარავის უკვირს.
- გავრცელდა ინფორმაცია, რომ კულტურის სამინისტრომ ვერ აითვისა მისთვის განკუთვნილი თანხა და რამდენიმე მილიონი ბიუჯეტში დააბრუნა. როგორ ფიქრობთ, ეს სწორია? კულტუ რული თვალსაზრისით ყველაფერი მოგვარებულია?
- არ არის სწორი, ცუდია, მაგრამ ახალი მოსულები არიან და იმედია, შეცდომებს გამოასწორებენ. თანხები კარგად რომ გაენაწილებინათ, ასე არ მოხდებოდა, მაგრამ ამაზე ჩვენ ბევრი რომ ვისაუბროთ, არ იქნება სწორი. ადრე კულტურის სამინისტროს კონცერტების ორგანიზება არ ეხებოდა, სხვები კურირებდნენ ამას, დღეს ვის როგორ აქვს განაწილებული ფუნქცია-მოვალეობები, არ ვიცი, ამიტომ ჩვენი მხრიდან ამ თემის განხილვა სწორად არ მიმაჩნია, მით უმეტეს, რომ უკვე წარსულია.
- თქვენს შვილზე – ნატალიაზე მინდა გკითხოთ, დედისა და ბებიისგან განსხვავებული – საოპერო ჟანრი აირჩია, რატომ?
- ჩვენი რჩევა იყო, რომ მაგ განხრით წასულიყო, თან თვითონაც მოსწონდა. დედაჩემს მთელი ცხოვრება ოპერის მომღერლობა უნდოდა და ეს ოცნება ''ჩადო'' ნატალიაში, რაშიც ნატალიას ხმა და ნიჭიც დაგვეხმარა. ძალიან ბედნიერები ვართ, რომ ჩვენგან გამორჩეულია, ჩვენს გზას კი არ აგრძელებს, უფრო მაღალი ხელოვნებისკენ მიდის.
- ამ ჟანრში გადასვლა ხომ არ იყო მცდელობა, რომ დედის ან ბებიის ჩრდილქვეშ არ მოქცეულიყო?
- არა, ძლიერი ხმა აქვს, მოსწონს ეს ჟანრი და ამიტომაც გადაწყვიტა, კლასიკას გაჰყოლოდა. ნანიმ ისე დაამთავრა კონსერვატორია საფორტეპიანო განხრით, რომ არანაირი შორსმიმავალი გეგმა არ ჰქონია სიმღერასთან დაკავშირებით, მეც საფორტეპიანო მაქვს დამთავრებული, ნატალიკომ ათწლედში ისწავლა, თუმცა არ გვქონდა აქცენტი, რომ მაინცდამაინც სცენაზე უნდა დამდგარიყო, ისევე, როგორც ჩემი და დედაჩემის შემთხვევაში. როცა ნანი კონსერვატორიაში სწავლობდა, ბებიას დიდი იმედები არ დაუმყარებია მასზე, ფიქრობდა, კარგი პიანისტი თუ არა, მასწავლებელი მაინც გამოვიდოდა. ჩვენი ოჯახისთვის მთავარი იყო, ყველას კარგი მუსიკალური განათლება მიგვეღო, დანარჩენი კი ცხოვრებამ მოიტანა, ისე წარიმართა ყველაფერი, რომ ნანი დადგა დიდ სცენაზე, მეც გავყევი მის გზას და ნატალიკოც. დედა ამბობს ხოლმე, მე ბევრი რამ ცხოვრებისგან ვისწავლეო, მართლაც უდიდესი გამოცდილება მოაქვს გასტროლებს, იქ სულ სხვანაირი ხარ, სხვაგვარად მუშაობ, ნანის ჰქონდა ეს ბედნიერება, მეც ნელ-ნელა ვცდილობ, ამ გზით ვიარო, მხოლოდ ერთ ადგილას გაჩერება გაყინვას ჰგავს. ნინო ქათამაძე, თამრიკო გვერდწითელი რატომ არიან ასეთი წარმატებულები? იმიტომ, რომ მუშაობენ ბევრ და სხვადასხვა ადგილას, სხვადასხვა მაყურებელთან, რაც კიდევ უფრო ამაღლებს მათ და ზოგადად, მუსიკოსის პროფესიონალიზმს.
- თქვენთვის რამდენად რთული იყო ქალბატონი ნანის ჩრდილიდან გამოსვლა?
- მე არ მრცხვენია იმის თქმა, რომ დღემდე ნანის ჩრდილქვეშ ვარ. შეიძლება, ეს ვინმესთვის მტკივნეული იყოს, მაგრამ როდესაც მთლიანად ამ თემით არ ხარ მოცული და ყველაფერს ჩვეულებრივად უყურებ, ნაკლებ პრობლემას აწყდები. როგორც გინდათ, ისე გამიგეთ, მაგრამ ნანის შვილობა მეხმარება და ხელს მიშლის კიდეც გარკვეულ ასპექტებში. ერთ ძალიან დიდ მუსიკოსს ვუთხარი, ჩვენს სამ თაობაში მე რაღაცნაირად შუაში ვარ მოქცეული-მეთქი, მან კი მიპასუხა, მთავარი იცი რა არის, ქვემოთ არ მიდიხართ, ვითარდებით, ზემოთ ადიხართო და მართალია.
- რამდენად კრიტიკულია ქალბატონი ნანი თქვენსა და ნატალიას მიმართ.
- საშინლად კრიტიკულია, იყო პერიოდი, როცა ეს მაღიზიანებდა, მაგრამ ბოლო დროს მივხვდი, რომ ეს კრიტიკა კარგია. დამღუპველია, როცა მშობელი არაობიექტურად აფასებს შვილს, ან სულ აქებს, ან პირიქით, სულ ლანძღავს.. ნანისგან ლანძღვა არ მახსოვს, მაგრამ ლამაზად ყოველთვის გამოხატავს თავის სათქმელს, როგორიც უნდა იყოს. რაც წლები მემატება, ვხვდები, რომ მისი კრიტიკა ჯანსაღია ჩემთვის და სხვა იმას არ მეტყვის, რასაც დედა, თან ის ყველაზე კარგად ხვდება, სად რა როგორ გამომდის..
- ოჯახში ცხოვრობთ სამი თაობის ქალბატონი, სამივეს განსხვავებული გემოვნება, ჩაცმის სტილი გაქვთ, მიუხედავად ამისა, თუ იზიარებთ ერთმანეთის რჩევებს, თუ სარგებლობთ ერთმანეთის გარდერობით?
- კი, როგორ არა. ნატალია უფრო განსხვავებულია, რადგან კლასიკურ ჟანრშია, უფრო კლასიკურ სტილში ჯდება, ყოველდღიურობაში კი თავისუფლად იცვამს, ადრე მეც განვსხვავდებოდი ნანისგან, მაგრამ ახლა შეიძლება, ვემსგავსები კიდეც მას, ორივეს შავი ფერი გვიყვარს, ცუდია, მაგრამ როგორც უნდა ვეცადოთ, ბოლოს მაინც შავისკენ მივდივართ, ნანისაც უხდება ეს ფერი და მეც.
- როგორია ქალბატონი ნანი ნატალიას მიმართ?
- შემოქმედებითი თვალსაზრისით ნანი ნატალიას მიმართ ბევრად უფრო დნება, ვიდრე ჩემ მიმართ, აქვს ეს სუსტი წერტილი (იღიმის). ნანისთვის ნატალიკო ნათელი მხარეა.. როცა რაიმეს კარგად გააკეთებს, თუნდაც რომელიმე მუსიკალურ ფრაზას, ამას აუცილებლად აღნიშნავს, ცდილობს, ყველა წვრილმანზე დააფიქროს.
- ნატალიას საზღვარგარეთ სწავლის გაგრძელების სურვილი ან მცდელობა არ ჰქონია?
- როგორც გითხარით, ჯერ მაგისტრატურაში სწავლობს, მაგრამ დიდი გეგმები აქვს ამ თვალსაზრისით და ვნახოთ. მგონია, რომ აქ არ დარჩება.
- რაც შეეხება თქვენსა და ნატალიას პირად ცხოვრებას, ეს თემა როგორ დგას ქალბატონი ნანისთვის?
- დედაჩემი ძალიან დემოკრატია ამ საკითხში, არ ერევა ჩემს ცხოვრებაში და მით უმეტეს არც ნატალიას პირადში. ზოგად რჩევებს აძლევს, მაგრამ ამ თემაზე საუბრით არ აწუხებს და თითებს არ უქნევს. ჩვენს ოჯახში ყველა თვითონ იღებს გადაწყვეტილებას ამ საკითხთან დაკავშირებით.
ციცი ომანიძე
ჟურნალი ''რეიტინგი''
ეკა მამალაძეს ოჯახურ ურთიერთობებსა და სამორი ბალდესთან ერთად ჩაწერილ დუეტზე ვესაუბრეთ.
- გასული წლით კმაყოფილი ვარ. ჩემს ცხოვრებაში არანაირი ექსცესები არ ყოფილა, არაფერი ცუდი არ მომხდარა, ნატალიკოს წარმატებები ჰქონდა, დაამთავრა კონსერვატორიის ბაკალავრიატი და ჩააბარა მაგისტრატურაში.
- ახალი წლის ღამეს შეასრულეთ დუეტი სამორი ბალდესა და ''The Bearfox''-თან ერთად, საიდან დაიბადა სიმღერის ამ ვარიანტით შესრულების იდეა?
- სამი წლის წინ მივიღე მონაწილეობა აჩიკო გულედანის მიერ ორგანიზებულ ფესტივალში, სადაც კოკა ნიკოლაძესა და ''The Forest''-თან ერთად სწორედ ამ ინტერპრეტაციით შევასრულე ეს სიმღერა. როდესაც აჩიკო საახალწლო კონცერტს ამზადებდა და ფიქრობდა, მონაწილეებს სხვადასხვა ჟანრის სიმღერები შეესრულებინათ, გაახსენდა ''ის აქ არის'' ეს ვერსია და გადაწყვიტა, კონცერტზე სამორისა და ''The Bearfox''-ის წევრებთან, ირაკლი მანჩხაშვილსა და მერაბ ნუცუბიძესთან ერთად შემესრულებინა. ყოველთვის მიხარია ახალგაზრდებთან მუშაობა, სამორის მიმართ სიმპათიით ვიყავი განმსჭვალული და ვფიქრობ, კარგი ნომერი გამოგვივიდა.
- სამორის მანამდე თუ იცნობდით?
- შორიდან, გამარჯობისა და მოკითხვის დონეზე. როცა ''იმედში'' მიწევდა მისვლა, იქ ვხვდებოდი ხოლმე.
- როგორი იყო მასთან მუშაობის პროცესი?
- გაგეცინება, მაგრამ სამორი კონცერტამდე მხოლოდ ორჯერ ვნახე, ჩვენ ცალ-ცალკე ჩავწერეთ სიმღერა, მე ჩემი პარტია ჩავწერე, მან და ''თჰე Bეარფოხ''-მა დამოუკიდებლად იმუშავეს, მერე ეს ყველაფერი გააერთიანეს, ერთმანეთს კი გენერალურ რეპეტიციაზე ორჯერ შევხვდით.
- როგორ შეაფასა ქალბატონმა ნანიმ თქვენი ერთობლივი ნამუშევარი?
- დედაჩემს ექსპერიმენტების არასდროს ეშინოდა, ოღონდ ამ საკითხში დიდი სიფრთხილეა საჭირო, ოდნავაც რომ შეგეშალოს რამე, უკვე დიდ დაბრკოლებებს წააწყდები. დედა თავადაც არ ერიდებოდა მსგავს რისკზე წასვლას, გახსოვთ, ირაკლი ჩარკვიანთან ერთად რომ იმღერა ''მანას'' დაჯილდოებაზე? გრძნობდა ირაკლის პოტენციალს, ნიჭს, განსხვავებულობას და ამიტომ წავიდა ამაზე.
- შინაგანი ალღო, ინტუიცია თუ გკარნახობთ წარმატებას ან წარუმატებლობას, თუნდაც საქმეში?
- კი, აბა, როგორ.. ესეც ნიჭია, რომ გქონდეს ხედვა, გაამართლებს თუ არა შენი ნამოქმედარი, ეს გარკვეულწილად გამოცდილებასაც მოაქვს. დღეს ცხოვრების რიტმი ძალიან აჩქარდა, ახალგაზრდებს შეიძლება, იმდენი გამოცდილება არ გქონდეთ, მაგრამ ბევრი შრომით შესაძლებელია, მიაღწიოთ სასურველ შედეგს.
- რაც შეეხება ზოგად ფონს ქართულ ესტრადაზე... როგორ შეაფასებდით?
- მომღერალს რაც უფრო მეტად დააკავებ და მეტ საქმეს მისცემ, ბედნიერებაა. კარგია, თუ ნაკლებად იქნება ერთმანეთის დაჭმა და ყველა ჩვენს საქმეს გავაკეთებთ. ყველა სფეროს ახლავს პრობლემები, ჩვენ შემთხვევაშიც ასეა და მგონი, ეს აღარავის უკვირს.
- გავრცელდა ინფორმაცია, რომ კულტურის სამინისტრომ ვერ აითვისა მისთვის განკუთვნილი თანხა და რამდენიმე მილიონი ბიუჯეტში დააბრუნა. როგორ ფიქრობთ, ეს სწორია? კულტუ რული თვალსაზრისით ყველაფერი მოგვარებულია?
- არ არის სწორი, ცუდია, მაგრამ ახალი მოსულები არიან და იმედია, შეცდომებს გამოასწორებენ. თანხები კარგად რომ გაენაწილებინათ, ასე არ მოხდებოდა, მაგრამ ამაზე ჩვენ ბევრი რომ ვისაუბროთ, არ იქნება სწორი. ადრე კულტურის სამინისტროს კონცერტების ორგანიზება არ ეხებოდა, სხვები კურირებდნენ ამას, დღეს ვის როგორ აქვს განაწილებული ფუნქცია-მოვალეობები, არ ვიცი, ამიტომ ჩვენი მხრიდან ამ თემის განხილვა სწორად არ მიმაჩნია, მით უმეტეს, რომ უკვე წარსულია.
- თქვენს შვილზე – ნატალიაზე მინდა გკითხოთ, დედისა და ბებიისგან განსხვავებული – საოპერო ჟანრი აირჩია, რატომ?
- ჩვენი რჩევა იყო, რომ მაგ განხრით წასულიყო, თან თვითონაც მოსწონდა. დედაჩემს მთელი ცხოვრება ოპერის მომღერლობა უნდოდა და ეს ოცნება ''ჩადო'' ნატალიაში, რაშიც ნატალიას ხმა და ნიჭიც დაგვეხმარა. ძალიან ბედნიერები ვართ, რომ ჩვენგან გამორჩეულია, ჩვენს გზას კი არ აგრძელებს, უფრო მაღალი ხელოვნებისკენ მიდის.
- ამ ჟანრში გადასვლა ხომ არ იყო მცდელობა, რომ დედის ან ბებიის ჩრდილქვეშ არ მოქცეულიყო?
- არა, ძლიერი ხმა აქვს, მოსწონს ეს ჟანრი და ამიტომაც გადაწყვიტა, კლასიკას გაჰყოლოდა. ნანიმ ისე დაამთავრა კონსერვატორია საფორტეპიანო განხრით, რომ არანაირი შორსმიმავალი გეგმა არ ჰქონია სიმღერასთან დაკავშირებით, მეც საფორტეპიანო მაქვს დამთავრებული, ნატალიკომ ათწლედში ისწავლა, თუმცა არ გვქონდა აქცენტი, რომ მაინცდამაინც სცენაზე უნდა დამდგარიყო, ისევე, როგორც ჩემი და დედაჩემის შემთხვევაში. როცა ნანი კონსერვატორიაში სწავლობდა, ბებიას დიდი იმედები არ დაუმყარებია მასზე, ფიქრობდა, კარგი პიანისტი თუ არა, მასწავლებელი მაინც გამოვიდოდა. ჩვენი ოჯახისთვის მთავარი იყო, ყველას კარგი მუსიკალური განათლება მიგვეღო, დანარჩენი კი ცხოვრებამ მოიტანა, ისე წარიმართა ყველაფერი, რომ ნანი დადგა დიდ სცენაზე, მეც გავყევი მის გზას და ნატალიკოც. დედა ამბობს ხოლმე, მე ბევრი რამ ცხოვრებისგან ვისწავლეო, მართლაც უდიდესი გამოცდილება მოაქვს გასტროლებს, იქ სულ სხვანაირი ხარ, სხვაგვარად მუშაობ, ნანის ჰქონდა ეს ბედნიერება, მეც ნელ-ნელა ვცდილობ, ამ გზით ვიარო, მხოლოდ ერთ ადგილას გაჩერება გაყინვას ჰგავს. ნინო ქათამაძე, თამრიკო გვერდწითელი რატომ არიან ასეთი წარმატებულები? იმიტომ, რომ მუშაობენ ბევრ და სხვადასხვა ადგილას, სხვადასხვა მაყურებელთან, რაც კიდევ უფრო ამაღლებს მათ და ზოგადად, მუსიკოსის პროფესიონალიზმს.
- თქვენთვის რამდენად რთული იყო ქალბატონი ნანის ჩრდილიდან გამოსვლა?
- მე არ მრცხვენია იმის თქმა, რომ დღემდე ნანის ჩრდილქვეშ ვარ. შეიძლება, ეს ვინმესთვის მტკივნეული იყოს, მაგრამ როდესაც მთლიანად ამ თემით არ ხარ მოცული და ყველაფერს ჩვეულებრივად უყურებ, ნაკლებ პრობლემას აწყდები. როგორც გინდათ, ისე გამიგეთ, მაგრამ ნანის შვილობა მეხმარება და ხელს მიშლის კიდეც გარკვეულ ასპექტებში. ერთ ძალიან დიდ მუსიკოსს ვუთხარი, ჩვენს სამ თაობაში მე რაღაცნაირად შუაში ვარ მოქცეული-მეთქი, მან კი მიპასუხა, მთავარი იცი რა არის, ქვემოთ არ მიდიხართ, ვითარდებით, ზემოთ ადიხართო და მართალია.
- რამდენად კრიტიკულია ქალბატონი ნანი თქვენსა და ნატალიას მიმართ.
- საშინლად კრიტიკულია, იყო პერიოდი, როცა ეს მაღიზიანებდა, მაგრამ ბოლო დროს მივხვდი, რომ ეს კრიტიკა კარგია. დამღუპველია, როცა მშობელი არაობიექტურად აფასებს შვილს, ან სულ აქებს, ან პირიქით, სულ ლანძღავს.. ნანისგან ლანძღვა არ მახსოვს, მაგრამ ლამაზად ყოველთვის გამოხატავს თავის სათქმელს, როგორიც უნდა იყოს. რაც წლები მემატება, ვხვდები, რომ მისი კრიტიკა ჯანსაღია ჩემთვის და სხვა იმას არ მეტყვის, რასაც დედა, თან ის ყველაზე კარგად ხვდება, სად რა როგორ გამომდის..
- ოჯახში ცხოვრობთ სამი თაობის ქალბატონი, სამივეს განსხვავებული გემოვნება, ჩაცმის სტილი გაქვთ, მიუხედავად ამისა, თუ იზიარებთ ერთმანეთის რჩევებს, თუ სარგებლობთ ერთმანეთის გარდერობით?
- კი, როგორ არა. ნატალია უფრო განსხვავებულია, რადგან კლასიკურ ჟანრშია, უფრო კლასიკურ სტილში ჯდება, ყოველდღიურობაში კი თავისუფლად იცვამს, ადრე მეც განვსხვავდებოდი ნანისგან, მაგრამ ახლა შეიძლება, ვემსგავსები კიდეც მას, ორივეს შავი ფერი გვიყვარს, ცუდია, მაგრამ როგორც უნდა ვეცადოთ, ბოლოს მაინც შავისკენ მივდივართ, ნანისაც უხდება ეს ფერი და მეც.
- როგორია ქალბატონი ნანი ნატალიას მიმართ?
- შემოქმედებითი თვალსაზრისით ნანი ნატალიას მიმართ ბევრად უფრო დნება, ვიდრე ჩემ მიმართ, აქვს ეს სუსტი წერტილი (იღიმის). ნანისთვის ნატალიკო ნათელი მხარეა.. როცა რაიმეს კარგად გააკეთებს, თუნდაც რომელიმე მუსიკალურ ფრაზას, ამას აუცილებლად აღნიშნავს, ცდილობს, ყველა წვრილმანზე დააფიქროს.
- ნატალიას საზღვარგარეთ სწავლის გაგრძელების სურვილი ან მცდელობა არ ჰქონია?
- როგორც გითხარით, ჯერ მაგისტრატურაში სწავლობს, მაგრამ დიდი გეგმები აქვს ამ თვალსაზრისით და ვნახოთ. მგონია, რომ აქ არ დარჩება.
- რაც შეეხება თქვენსა და ნატალიას პირად ცხოვრებას, ეს თემა როგორ დგას ქალბატონი ნანისთვის?
- დედაჩემი ძალიან დემოკრატია ამ საკითხში, არ ერევა ჩემს ცხოვრებაში და მით უმეტეს არც ნატალიას პირადში. ზოგად რჩევებს აძლევს, მაგრამ ამ თემაზე საუბრით არ აწუხებს და თითებს არ უქნევს. ჩვენს ოჯახში ყველა თვითონ იღებს გადაწყვეტილებას ამ საკითხთან დაკავშირებით.
ციცი ომანიძე
ჟურნალი ''რეიტინგი''
