ჯონ ტრავოლტას პილოტმა გაამხილა, რომ მსახიობთან რომანი ჰქონდა

თითქოს ჯონ ტრავოლტას სექსუალური ორიენტაციის ირგვლივ ატეხილი სკანდალი მიჩუმდა, მაგრამ მსახიობის ყოფილმა პილოტმა მას შემდეგ, რაც განაცხადა, რომ ტრავოლტასთან რომანი ჰქონდა, კვლავ გააღვივა ცეცხლი.

ჯონ ტრავოლტას ყოფილმა პილოტმა, დუგ გოტებრამ გადაწყვიტა, მოეყოლა მისი და მსახიობის 6-წლიანი რომანტიკული ურთიერთობის შესახებ. ჯერ კიდევ 1981 წელს, როცა ის ტრავოლტას პილოტის თანამდებობაზე აჰყავდა, გასაუბრებაზე დუგი მიხვდა, რომ ჯონი მას ეფლირტავებოდა.

"ჩვენ სამთო კურორტზე გავემგზავრეთ, - ჰყვება გოტებრა. - რომანტიკული ვახშამი გვქონდა და მე ისეთი შეგრძნება მქონდა, რომ ზედმეტ ყურადღებას მაქცევდნენ. როცა რესტორნიდან ვბრუნდებოდით, ჯონმა მკითხა, მასაჟს ხომ არ გავიკეთებდი".

პილოტმა ცნობილ მსახიობს უარი ვერ უთხრა და მასაჟი რაღაც უფრო მეტში გადაიზარდა. ბოლოს ტრავოლტას დუგი 1991 წელს შეხვდა, ჯონისა და კელი პრესტონის ქორწილის შემდეგ. "მე მას ვკითხე, ახლა, ქორწინების შემდეგ, მამაკაცებს ანიჭებდა უპირატესობას თუ ქალებს. მან თვალებში ჩამხედა და მითხრა, რომ უპირატესობას კვლავ მამაკაცებს ანიჭებდა".

არავინ იცის, დაეჯერება თუ არა დუგ გოტებრას, მაგრამ ეს ისტორია აუცილებლად დაასხამს ნავთს ცეცხლზე, რომელიც ის-ის იყო, ჩაქრებოდა.