ირაკლი ფირცხალავა ცოლის დაბადების დღეზე სტუმრებს ლობიოთი და ხინკლით გაუმასპინძლდა
რუსული შოუბიზნესის ვარსკვლავმა ირაკლი ფირცხალავამ ცოლის, სოფიას დაბადების დღე საკუთარ რესტორან "VinoGrad"-ში აღნიშნა. მომღერალმა გრანდიოზული დღესასწაული მოაწყო საყვარელი მეუღლისთვის, რომელიც დღე-დღეზე ბავშვს ელოდება.
35 წლის ირაკლის და სოფიას უკვე ჰყავთ 2 წლის ვაჟი ილია და ახლა მეორე შვილის მოლოდინში არიან.
წვეულებაზე იყვნენ ნათესავები და ახლო მეგობრები. მომღერალი მთელი საღამოს განმავლობაში გვერდიდან არ მოშორებია ფეხმძიმე ცოლს, რომელსაც სიყვარულით სოფიკოს ეძახის.
"ძალიან გამიმართლა, რომ შენ შეგხვდი, - წარმოთქვა სადღეგრძელო ირაკლიმ, - ერთი ვაჟი უკვე მაჩუქე და მალე პატარა გოგონაც დაიბადება. მე შენ მიყვარხარ სიცოცხლეზე მეტად".
მომღერალმა საყვარელ ცოლს ბრილიანტებით, ზურმუხტითა და მარგალიტებით მოოჭვილი ოქროს კულონი აჩუქა.
ცოლის დაბადების დღის მენიუ მზრუნველმა ირაკლიმ თავად შეარჩია. სადღესასწაულო სუფრა ქართული ტრადიციული კერძებით იყო სავსე: ხინკალი, ხაჭაპური, ლობიო არ მოკლებია იქაურობას. სოფია მთელი საღამო მხოლოდ წყალს სვამდა, ირაკლიმ კი ცოტაოდენი კონიაკი მიირთვა.
მომღერალი დიდ დროს უთმობს კარიერას, მაგრამ ახლა მისთვის უმთავრესი მაინც ოჯახია. ახალგაზრდა მშობლებს ერთი სული აქვთ, როდის მოევლინება ქვეყანას პატარა გოგო. სახლში ბავშვისთვის უკვე ყველაფერი მზად არის. სოფიამ პატარასთვის უკვე შეიძინა ტანსაცმელი, საწოლი და სათამაშოები.
მშობიარობისთვის ადგილი წყვილს ჯერჯერობით არ შეურჩევია. ილია სოფიამ მოსკოვის ერთ-ერთ პრესტიჟულ სამშობიაროში გააჩინა. შესაძლოა, ამჯერად ცოლ-ქმარმა არჩევანი უცხოეთის კლინიკაზე შეაჩეროს.
