• იცით, სად არის ახლა თქვენი ქმარი?! - როგორ ვიპოვოთ ღალატის ნიშნები?

    თქვენ ყველაფერი კარგად გაქვთ. ყვავილები, საჩუქრები, ყურადღების გამომხატველი პატარ-პატარა ნიუანსები - გამუდმებით ასე ხდება. ქმარი ხელისგულზე გატარებთ, გეუბნებათ, რომ თქვენ ყველაზე მეტად უყვარხართ და რომ ერთადერთი ხართ.

    ერთი სიტყვით, იდეალური ურთიერთობა გაქვთ. მაგრამ მიუხედავად ამისა, ხანდახან მაინც გრგღნით ეჭვი: იქნებ მღალატობს? დაქალებიც სულ იმას დაგჩხავიან: "იდეალური მამაკაცი არ არსებობს. ყველა კაცი მოღალატეა!" იწყებთ მისი საქციელისა და გარეგნობის შემოწმებას, რომ იპოვოთ ქმრის ღალატის ნიშნები. შევეცდებით, შეგიმსუბუქოთ ამოცანა.

    ისეთ ბანალურ და გაცვეთილ ნიშნებს არ განვიხილავთ, როგორებიცაა: იგვიანებს სამსახურიდან; როცა ურეკავენ, სხვა ოთახში გადის; გამუდმებით იღებს სმს-ებს; ნაკაწრები აქვს ზურგზე და პომადის კვალი პერანგის საყელოზე; ქალის სუნამოს სუნი ასდის და ასე შემდეგ... ეს უკვე დიდი ხანია ცნობილია და ნაკლებ საიანტერესო.

    თანაც, მამაკაცი, თუ ის ძალიან უტვინო არ არის, ასეთ კვალს ყოველთვის შლის. მაგრამ, როგორც იტყვიან, "ყველაფერი დამალული, მალე გამხელილი გახდება.." მაინც რაში შეიძლება "ჩაიჭრნენ" კაცები?

    მთავარი - წვრილმანებია

    იცით, სად იყურება მამაკაცი ყველაზე იშვიათად თავის საყვარელ ავტომობილში? მარჯვენა სავარძლის ქვეშ. რა თქმა უნდა, თუ მარჯვენასაჭიანია მანქანა, ამ შემთხვევაში - მარცხენას ქვეშ. აი, სწორედ იქ შეიძლება აღმოაჩინოთ მოულოდნელი ფაქტები: მენთოლიანი სიგარეტის კოლოფი, გლამურული სანთებელა, ქალის ხელთათმანი, რაიმეს შესაფუთი ქაღალდი ან ხელსახოცი (კარგი იქნება, თუ პომადით დასვრილი არა)... მოკლედ, სხვა ქალის არსებობის დამადასტურებელი უამრავი სხვადასხვა ნიშანი.

    რა თქმა უნდა, ეს არ არის პირდაპირი დასტური ღალატის. ხელთათმანი შესაძლოა, დედათქვენს დაუვარდა მაშინ, როცა საყვარელ სიძეს შინ მიჰყავდა; სანთებელა შეიძლება მაღაზიაში მისცეს ხურდაში, მაგრამ, დამეთანხმეთ, თქვენი აზრები მაინც იქითკენ მიდის...

    ერთ ისტორიას მოგიყვებით: ქმარმა 8 მარტისთვის ცოლს პარფიუმერულ მაღაზიაში საჩუქრები უყიდა. საჩუქრები პატარა იყო, მაგრამ სასიამოვნო. ორი სხვადასხვა ნივთი ცალ-ცალკე იყო შეფუთული. ცოლი კმაყოფილი დარჩა.

    ყველაფერი ქალაქის ბინაში ხდებოდა. ამის შემდეგ ცოლ-ქმარი აგარაკზე გაემგზავრა, სადაც ქმარი ბევრ დროს ატარებდა და... აქ ცოლმა საძინებელში იგივენაირი შეფუთვა იპოვა. წვრილმანია! მაგრამ ქმარმა ვერაფრით ახსნა, საიდან აღმოჩნდა აგარაკზე პარფიუმერიის იგივე შეფუთვა. მე ასეთ ახსნას შევთავაზებდი დაბნეულ ქმარს.

    დღესასწაულების დროს, როცა პარფიუმერიის მაღაზიებში უამრავი კლიენტია, კონსულტანტები ვერ ასწრებენ თავად შეფუთონ საჩუქარი და მყიდველს შეფუთვას პროდუქციასთან ერთად აწვდიან. შეფუთვა თხელია და შესაძლოა, გამყიდველმა ორზე მეტი გადააწოდა. ლოგიკურია? რა თქმა უნდა.

    მაგრამ ქმარმა ეს რატომღაც ვერ მოიფიქრა... იქნებ, არ თვლიდა საჭიროდ, ან იქნებ, შემთხვევით ისარგებლა, რომ ცოლში მსუბუქი ეჭვიანობის გრძნობა გამოეწვია?! გამოცდილი მამაკაცი ყოველთვის მოძებნის გზას, მის წინააღმდეგ აღძრული დანაშაულის მიზეზი როგორ შემოაბრუნოს თავის სასიკეთოდ. ასეც ხდება.

    სადამდე მივიდა ტექნიკა...


    კარგი დრო იყო: "10-კაპიკიანი არ მქონდა" ან "ტელეფონის ავტომატი არ მუშაობდა" - რკინის ალიბია! ახლა კი: "მობილური დამიჯდა", "ანგარიშზე არ მქონდა", - საცოდავი მიზეზებია. ტელეფონი - ბოროტებაა, მაგრამ მის გარეშე არსებობა წარმოუდგენელია. და აუცილებელი არ არის, ისარგებლოთ იმით, რომ ქმარს სძინავს და მის ტელეფონში იქექოთ.

    უფრო სარწმუნოა, რომ იქ ვერაფერს იპოვით, მაგრამ მიაგნოთ თქვენი ქმრის ადგილმდებარეობას, როცა მას ურეკავთ, ახლა სირთულეს აღარ წარმოადგენს. გადმოტვირთეთ (სთხოვეთ ვინმეს, ვინც უკეთ ერკვევა ამაში) მარტივი პროგრამა ინტერნეტში და საყვარელი მეუღლის ადგილსამყოფელს ძალიან ადვილად გაიგებთ.

    კიდევ ერთ მაგალითს მოვიყვან: სამსახურში თანამშრომელი მომიყვა. მისმა მეგობრებმა, ახალგაზრდა წყვილმა მაცივარი შეიძინა. მაცივარი თავდაპირველად ძალიან სახალისო აღმოჩნდა. როცა კარს აღებდი, მუსიკა უკრავდა. თუმცა ამ მუსიკას მალე დანიშნულება შეეცვალა. როცა ერთ-ერთი მეუღლე მეორეს ურეკავდა და ეკითხებოდა: "სად ხარ?" მეორეს მოტყუება და იმის თქმა, რომ სახლშია, აღარ შეეძლო. რადგან კითხვას მაშინვე მოჰყვებოდა ფრაზა: "ერთი მიდი მაცივართან და გამოაღე!" აი, როგორ დგას პროგრესი საკუთარი სინდისის სადარაჯოდ!

    ასე რომ, გამოიყენეთ სამეცნიერო-ტექნოლოგიური რევოლუცია აქტიურად. ან შერლოკ ჰოლმსის მეთოდით განივითარეთ საკუთარი დედუქციის უნარი და ჩაუღრმავდით დეტალებს. და თქვენ რაღაცას აუცილებლად აღმოაჩენთ. აუცილებლად! ან "ჩხრეკის" პროცესში თქვენთვის რაღაცას გამოიგონებთ. მაგრამ სანამ ძიებას ჩაუღრმავდებოდეთ, საკუთარ თავს ჰკითხეთ: "მჭირდება კი ეს?" დააყენეთ საკუთარი თავი მამაკაცის ადგილზე. პარანოია - არ აკეთებს სქესთა გარჩევას. "თუ ფიქრობთ, რომ თქვენ არ გითვალთვალებენ, იცოდეთ, რომ თქვენ, უბრალოდ, ვერ ამჩნევთ ამას".

    2 427 ნახვა
    23-07-2016, 16:04
    GOGATV