ირინა შეიკი ფანდურზე უკრავს +ვიდეო

რამდენიმე დღის წინ სოციალურ ქსელ "ინსტაგრამზე" ერთ-ერთმა მომხმარებელმა ირინა შეიკის და ირაკლი ფირცხალავას ცეკვის ვიდეო განათავსა. რუსი მოდელი და ქართველი მომღერალი "განდაგანას" ცეკვავენ. როგორც ირკვევა, ვიდეო მოსკოვში, რესტორან "გენაცვალეშია" გადაღებული.

ახლახანს ფირცხალავა-შეიკის გართობის ამსახველი კიდევ ერთი ვიდეო გავრცელდა. ამჯერად, სუპერმოდელი ფანდურით ხელში ჩანს კადრში და თავისებურად ცდილობს ინსტრუმენტზე დაკვრას. თუმცა, აშკარად არ გამოსდის, რის გამოც ირაკლი ფირცხალავა დასცინის კიდეც.

შეგახსენებთ, სოჭის ოლიმპიადის გახსნის ცერემონიაზე ირინა შეიკი რუსეთის დელეგაციას მოუძღოდა. მოგვიანებით, მოდელმა თავისი "ფეისბუქის" გვერდზე ფოტო გამოაქვეყნა, რომელზეც ქართველი მომხმარებლები სხვადასხვა ენაზე ერთსა და იმავე, შემდეგი შინაარსის კომენტარს უტოვებენ: "აფხაზეთი და სამაჩაბლო არის საქართველო!!!".