მკერდის კანის მოვლის შინაური რეცეპტები

ლამაზი მკერდი ქალის მომხიბვლელობის გარანტიაა. მისი სილამაზე და განსაკუთრებით სიმკვრივე კი სხეულის ამ ნაწილის კანის მოვლაზეა დამოკიდებული.
გთავაზობთ მკერდის კანის მოვლის საუკეთესო რეცეპტებს, რომელთა მომზადებასაც სახლის პირობებში მარტივად შეძლებთ:

შვრიის ნიღაბი
2 სუფრის კოვზ შვრიას დაასხით ერთი ჭიქა ადუღებული წყალი, მჭიდროდ დაახურეთ სახურავი და გააჩერეთ 15 წუთით. შეგრილებული ფაფა დაიდეთ დეკოლტეს არეში და გაიჩერეთ 20 წუთით. შემდეგ ბამბის ტამპონის მეშვეობით ჩამოიბანეთ თბილი წყლით.

ბალახებისგან მომზადებული ლოსიონი
თქვენ დაგჭირდებათ: თითო ჩაის კოვზი გვირილა, კრაზანა, ცაცხვის ყვავილი, პიტნა; გლიცერინი 200 მლ წყალი, 40 მლ 70%-იანი სპირტი. ბალახის ლოსიონის მომზადების წესი მარტივია: აურიეთ ყველა ბალახი, დააქუცმაცეთ ისინი ბლენდერში ან ჩოფერში, დაასხით მდუღარე წყალი, გააჩერეთ ერთი საათი და გადაწურეთ. შემდეგ ნაყენს დაუმატეთ სპირტი და გლიცერინი. გააჩერეთ რამდენიმე დღე. ბამბის ტამპონით წაისვით ლოსიონი მკერდის არეში და აცალეთ შეწოვა. ლოსიონის წასმა უმჯობესია კონტრასტული შხაპის მიღების შემდეგ.

კიტრის ლოსიონი
თქვენ დაგჭირდებათ: ერთი საშუალო ზომის კიტრი, 10 სუფრის კოვზი სპირტი, 0,5 ლ წყალი. მომზადების წესი: გათალეთ კიტრი, გახეხეთ წვრილ სახეხზე, დაასხით სპირტი და გააჩერეთ 10 დღის განმავლობაში გრილ და ბნელ ადგილას, შემდეგ გაწურეთ მარლაში და გააზავეთ წყლით ერთი-ერთზე. ყოველდღიურად გაიწმინდეთ ლოსიონით მკერდი და შემდეგ მიიღეთ გრილი შხაპი.