რამდენს უხდიან სერიალ "დიდებული საუკუნის" მსახიობებს?

სპეციალისტებმა გამოითვალეს, თუ რა ოდენობის ჰონორარი აიღეს "დიდებული საუკუნის" მსახიობებმა.

საიდუმლოს არ წარმოადგენს ის ფაქტი, რომ ფილმის შემქმნელები ფულს მისი ტელეეკრანზე გაშვებისას და საზღვარგარეთ გაყიდვისგან იღებენ. თურქებს კი ის უფრო აინტერესებთ, შემოსავლიდან მათ საყვარელ მსახიობებს რამდენი ერგოთ.

როგორც გაირკვა, მსახიობები დიდად არ გაუნებივრებიათ, - იბრაჰიმ ფაშას როლის შემსრულებელი ოკან იალაბიკი გააწვალეს კიდეც ჰონორარის აღებაზე. თავდაპირველად, მას თითო სერიაში 8 ათას ლირას უხდიდნენ. როცა სერიალის პოპულარობა გაიზარდა, ოკანმა ჰონორარის გაზრდა მოითხოვა.


პროდიუსერების უარს მსახიობმა ულტიმატუმი წაუყენა: "მოკალით ჩემი გმირი; ამ სერიალში ასეთ ჰონორარზე აღარ ვითამაშებ!" პროდიუსერებს შეეშინდათ რადიკალური ნაბიჯის გადადგმის და მსახიობს ხელფასი 15 ათას ლირამდე გაუზარდეს.

მთავარი როლის შემსრულებელს, სულთან სულეიმან დიდებულს, ჰალით ერგენჩის ერთ სერიაში 45 ათას ლირას უხდიდნენ. ხოლო მშვენიერ მერიემ უზერლის - სულ რაღაც 10 ათას ლირას.